7 viktima/ Gjendet helikopteri i zhdukur në Itali, ja video që hedh dritë mbi aksidentin

113 563 lexime

124,178FansaPëlqeje

Konfirmimi tragjik për helikopterin e zhdukur mëngjesin e të enjtes në Itali ka ardhur.

Ekipet e shpëtimit kanë gjetur të pajetë, të shtatë pasagjerët e po ashtu janë gjetur dhe mbetjet e tij në malin Cusna, Reggio Emilia.

Avioni u rrëzua në shtratin e një përroi, Lama, në Passo degli Scaloni, 1,922 metra mbi nivelin e detit, dy kilometra nga streha e Segheria. Zona ka një terren të vështirë, dhe është e paarritshme prandaj grupet e shpëtimit janë përballur me një punë sfiduese.

Kërkimet nga mëngjesi i sotëm ishin fokusuar në malin Cusna, maja më e lartë në Reggio Apenines, ku ishin identifikuar mbeturinat e avionit. Kontrolli nisi nga helikopter i Guardia di Finanza, pranë strehës Battisti, pas denoncimit të një alpinisti që kishte vënë re disa pemë të djegura dhe disa mbetje metalike në zonë.

“Shkuam në zonë dhe gjetëm gjithçka të djegur. Helikopteri është në një luginë pranë një përroi.”- tha një operator nga bordi i Forcave Ajrore, i cili ndërhyri mëngjesin e sotëm.

Prokuroria lokale ka hapur një dosje për katastrofën, por do të jetë Prokurori Publik i Reggio Emilia që do të koordinojë hetimin për rrëzimin e avionit.

Në qendër do të jetë kontrolli i kutisë së zezë, ndërsa dhe plani i fluturimit do të jetë gjithashtu i rëndësishëm, sa bashku me gjurmët e radarit. Një hetim është hapur edhe nga Agjencia Kombëtare e Sigurisë së Fluturimeve, e cila ka urdhëruar dërgimin e vetë hetuesit në vendin e aksidentit.

Ndërkohë është publikuar dhe një video disa sekonda e dërguar përmes whatsapp-it nga njëri prej gjashtë pasagjerëve, e cila do të dokumentonte fluturimin e helikopterit që u zhduk mëngjesin e së enjtes mbi Toskan-Emilian. Video është regjistruar nga një prej pasagjerëve, dhe i është dërguar babait të tij, i cili ua ka dorëzuar autoriteteve.

Lexo edhe :  Rithemelimi/ Humbësit e “BF” kërkojnë përsëritje zgjedhjesh

(Kliko për të parë videon)

Të enjten, në momentin e rrëzimit të supozuar të helikopterit, kushtet e motit në atë zonë shin të pafavorshme për fluturim, por sërish helikopteri u nis. Hipoteza më e mundshme, siç raportohet nga mediat italiane, është se piloti ka tentuar disa manovra emergjente, të cilat përfunduan keq.

Të fundit

Leipzig triumfon ndaj Frankfurt dhe fiton Kupën e Gjermanisë në vitin e dytë radhazi

Leizpigu për të dytin vit radhazi fitues i Kupës së Gjermanisë. Klubi gjerman në pronësi të markës së famshme...

Basha: U tërhoqa se nuk doja luftë, PD do të bëjë ndryshimin me mbështetjen e SHBA

Ish-kryedemokrati Lulzim Basha ka zhvilluar sot një takim me të rinjtë në Lezhë, ku është shprehur se tërheqja e tij nga politika, u bë...

Aksidenti në Rrëshen, shkon në 7 numri i të plagosurve, mes tyre 3 fëmijë

Është rritur numri i të plagosurve nga aksidenti i rëndë i regjistruar mbrëmjen e sotme në Rrugën e Kombit në zonën e Rrëshenit ku...

Rrëzohet te Mali i Robit, humb jetën turistja polake

Një shtetase polake 83-vjeçare në afërsi të një hoteli në Kavajë është rrezuar aksidentalisht në trotuar dhe për pasojë ka humbur jetën. Pas rrëzimit në...

Tjetër “divorc” tek Los Blancos, Hazard do të largohet nga klubi në fundin e këtij sezoni

Në një ditë me lamtumirë “yjesh”, surpriza vjen nga Spanja: Eden Hazard largohet nga Reali i Madridit. Marco Asensio ishte i pari, më pas...

Lajme të tjera

Web TV