Një 17-vjeçar është arrestuar ndërsa një 18-vjeçar ka përfunduar në spital, pas një konflikti të dhunshëm që patën.
Ngjarja ka ndodhur në Këlcyrë, ndërsa mësohet se adoleshentët janë zënë për motive të dobëta.
Njoftimi i policisë
Specialistët e Seksionit për Hetimin e Krimeve në Komisariatin e Policisë Përmet arrestuan në flagrancë shtetasin A. B., 17 vjeç, banues në Këlcyrë, pasi mbrëmjen e djeshme, në Këlcyrë, ka goditur me mjet prerës (thikë), për motive të dobëta, shtetasin M. J., 18 vjeç, banues në Këlcyrë, i cili ka marrë ndihmën mjekësore në spitalin e Këlcyrës dhe ndodhet jashtë rrezikut për jetën.
Në cilësinë e provës materiale u sekuestrua mjeti prerës (thikë).
