Një person në tentativë për ti ikur policisë që kishte shkuar për ta arrestuar ka rënë në ujërat e Thermaikos duke e detyruar dhe policinë për ta ndjekur pas. Ai u shpëtoi nga duart efektivëve në momentin që ata po e fusnin në makinë. “Nuk dua të dal, më lini të vdes” bërtiste në ujë por që u nxorr nga aty me anë të një litari që policia ja lidhi në duar.
Ngjarja ka ndodhur në mëngjes në Elas kur Policia kishte shkuar ta arrestonte pas telefonatave të marra nga qytetarët se një person kishte sjellje të çuditshme dhe ngacmonte njerëzit që kishin shkuar në plazh për të pushuar apo për të shitur.
Ai fatmirësisht ndodhet jashtë rrezikut për jetën pasi u nxorr menjëherë nga uji.