Pamjet që shihni tregojnë momentin kur ish-kryeministri Shinzo Abe u qëllua me armë zjarri teksa mbante një fjalim gjatë një takimi elektoral në prefekturën Nara në Japoninë qendrore.
Close-up video of Japanese former PM Shinzo Abe being shot and the suspect being tackled. pic.twitter.com/QA0Ywupn8Z
— Global: MilitaryInfo (@Global_Mil_Info) July 8, 2022
Mediat botërore kanë publikuar pamje nga vendi i ngjarjes, ku shihet se është plagosur ish-kryeministri pasi dëgjohen dy të shtëna me armë zjarri. Në lidhje me krimin është arrestuar një 41-vjeçar, ndërkohë që nuk dihen motivet e ngjarjes në fjalë.
Ish-guvernatori i Tokios, Yoichi Masuzoe, tha në një postim në Twitter se Abe, 67 vjeç, është në një gjendje të arrestit kardiopulmonar. Termi në Japoni përdoret shpesh përpara se të konfirmohet zyrtarisht vdekja. “Cilado qoftë arsyeja, një akt i tillë barbar nuk mund të tolerohet kurrë dhe ne e dënojmë ashpër atë”, tha sekretari i kabinetit japonez, Hirokazu Matsuno. Abe po mbante një fjalim për një kandidat zgjedhor në Nara kur ndodhi sulmi.
