Presidenti amerikan Joe Biden ka përshëndetur nisjen e bisedimeve të anëtarësimit mes BE-së, Shqipërisë dhe Maqedonisë së Veriut.
Presidenti Biden shprehet se në një moment kur Rusia ka shkatërruar paqen në Evropë, është më e rëndësishme se kurrë të mbështesim aspiratën për një Evropë të plotë, të lirë dhe në paqe.
Ai thekson se Shtetet e Bashkuara do të vazhdojnë të jenë një partner i fortë dhe i besueshëm ndërsa ato vende punojnë për të mbrojtur të drejtat e njeriut, për të forcuar reformat demokratike dhe për të mbështetur sundimin e ligjit
“Shtetet e Bashkuara mirëpresin hapat e rëndësishëm që Bashkimi Evropian po ndërmerr për të çuar përpara integrimin e Ballkanit Perëndimor në komunitetin euroatlantik duke hapur bisedimet e pranimit në BE me Shqipërinë dhe Maqedoninë e Veriut. Në një moment kur Rusia ka shkatërruar paqen në Evropë, është më e rëndësishme se kurrë të mbështesim aspiratën për një Evropë të plotë, të lirë dhe në paqe. Një Ballkan Perëndimor demokratik, i sigurt dhe i begatë mbetet thelbësor për këtë vizion. Shtetet e Bashkuara do të vazhdojnë të jenë një partner i fortë dhe i besueshëm ndërsa ato vende punojnë për të mbrojtur të drejtat e njeriut, për të forcuar reformat demokratike dhe për të mbështetur sundimin e ligjit. Hapat që BE, Shqipëria dhe Maqedonia e Veriut kanë ndërmarrë ditët e fundit duhet të frymëzojnë të gjithë aspirantat e BE-së në rajon për të rritur angazhimin e tyre për forcimin e demokracive të tyre”, deklaron Presidenti Biden në mesazhin e publikuar nga Shtëpia e Bardhë.
Statement by President Biden Welcoming Important Steps Towards EU Integration for Albania and North Macedonia | The White House https://t.co/yeULdeLB24
— Ambassador Yuri Kim (@USAmbAlbania) July 19, 2022
