E kërkon policia për ta pyetur lidhur me atentatin, Dokle prej 2.6 vite në Shërbim Prove

113 563 lexime

124,178FansaPëlqeje

Nga Elton Qyno

Endrit Dokle, njeriu që me urdhër të Drejtorit të Përgjithshëm të Policisë së Shtetit, Gledis Nano, kërkohet për tu pyetur lidhur me ngjarjen e rëndë të vrasjes së Brilant Martinaj, Besmir Hoxhës dhe Diklen Vatës, mësohet se ende nuk është gjendur dhe marë në pyetje nga policia kriminale.

Dokle është një emër mjaft i njohur i botës së krimit në Shqipëri, për shkak të lirimit me kusht, që i bëri gjyqtarja e Krujës Enkelejda Hoxha, duke krijuar një precedent të rrezikshëm të lirimit të personave të dënuar me burgim të përjetshëm.
Aktualisht dosja e tij, për lirimin me kusht është ankimuar nga prokuroria e Krujës dhe për momentin është një nga çështjet më të nxehta që ndodhet në listë pritje për tu gjykuar në Gjykatën e Apelit Tiranë.
Mësohet se prej më shumë se 2 vite e 6 muaj, ankimi i bërë nga prokuroria e Krujës, qëndron i pa gjykuar në Apel, duke mos përdorur asnjë mundësi përshpejtimi të gjykimit të kësaj çështjeje.

Ankimi i prokurorisë sipas një shkrese që disponojmw është rregjistruar në sekretarinë e gjykatës së Apelit Tiranë, në datën 31 Janar të vitit 2020. Po në këtë ditë është hedhur shorti elektronik në këtë gjykatë dhe çështja penale që bën fjalë për “Lirimin me kusht” të Endrit Dokles, i ka rënë gjyqtarit Gentian Shala.
Ky i fundit nuk ka mundur të nxjerë një datë për gjykimin e ankimit të prokurorisë së Krujës.

Mirëpo për shkak të emërimit në Gjykatën e Apelit Tiranë, të dy gjyqtarëve të rinj, si dhe për shkak të numrit të lartë të dosjeve gjyqësore që presin të gjykohen, është vendosur një riorganizim i çështjeve.
Kështu me vendimin Nr.1, të datës 31 janar 2022 të Këshillit të Gjykatës së Apelit Tiranë “Për rindarjen me short të çështjeve penale”, dosja është rishortuar dhe për rrjedhojë është caktuar si gjyqtare relatore, Emona Muçi.
Aktualisht prej 6 muajsh kjo gjyqtare vijon ta ketë këtë çështje në listë pritje për ta gjykuar.

Lexo edhe :  Si ta kuptoni që dikush po ju gënjen?!

Sipas gjykatës çështjet penale, ashtu edhe ato civile, gjykohen në përputhje me normat procedurale, që rregullojnë gjykimin në apelin e Tiranës. “…kjo do të thotë se edhe çështja, për të cilën flitet për ankimin e prokurorisë së Krujës, kundër lirimit me kusht ndaj Endrit Dokles, u nënshtrohet këtyre rregullave…”-thuhet në dokument.
Nëse kjo çështje do këtë një përparësi dhe do gjykohet nga gjykata e Apelit, mund të rrezikohet seriozisht rikthimi në burg i Endrit Dokles.
Kjo pasi një vit më parë gjykata e Apelit Tiranë, vendosi të rrëzojë kërkesën për lirim me kusht të dënuarit me 25 vite burgim Genc Tafili, i cili më pas u arrestua në Gjermani dhe tashmë është esktraduar në Shqipëri, ku po vuan dënimin e mbetur.
Po ashtu një vit më parë Gjykata e Lartë, vendosi të prishë vendimin e Gjykatës së Apelit Durrës, që lironte me kusht të dënuarin me 25 vite burg, Lulzim Berisha, duke urdhëruar arrestimin dhe kthimin në burg të tij.

Të fundit

Himara nis sezonin turistik/ Fluks turistësh nga Anglia, Gjermania e Zelanda e Re

Himara tashmë e ka nisur sezonin turistik duke sfiduar edhe motin e paqëndrueshëm. Numri i turistëve është në rritje ndërsa...

Gjendet e pajetë në banesë adoleshentja, ‘ngrihet në këmbë’ grupi hetimor

Një 17-vjeçare dyshohet se i ka dhënë fund jetës duke u vetëvarur. Adoleshentja raportohet se është gjetur e pajetë nga familjarët e saj. Ngjarja e...

Dhjetëra të vdekur nga i nxehti ekstrem në Meksikë

Gjithsej 48 persona kanë vdekur brenda dy muajve për shkak të të nxehtit ekstrem në Meksikë, me pothuajse gjysmën e vdekjeve të regjistruara vetëm...

Rita Lati zbulon parodinë që e bëri të famshme (Video)

Rita Lati ka ushqyer me humor publikun shqiptar prej dekadash, duke shkruar emrin e saj krah aktoreve më të dashura. Në fillimet e saj u...

Pse duhani kushton më lirë në Shqipëri?

Duhanpirja në Shqipëri vijon të mbetet në nivele të larta ku pothuajse gjysma e meshkujve konsumojnë duhan. Niveli i konsumit tejkalon ndjeshëm  vendet e...

Lajme të tjera

Web TV