Princi i Kurorës i Arabisë Saudite , Mohammed Bin Salman, po kryen ditën e sotme një vizitë diplomatike në Greqi. Kjo është vizita e tij e parë në territorin europian, e cila pritet të jetë me interes të veçantë diplomatik dhe ekonomik.
Megjithatë, Bin Salman duket se nuk i beson askujt pas rastit të vrasjes së Jamal Khashoggi në konsullatën e Arabisë Saudite në Stamboll. Thuhet se ai ka kërkuar 300 limuzina për vizitën e tij në Greqi, ndërsa në bagazhin e tij ka edhe çarçafë dhe enë.
“Ndër ngjarjet kryesore të ditës është vizita e princit të kurorës së Arabisë Saudite, i cili kërkoi t’i viheshin në dispozicion 300 limuzina. Nuk kishim dhe i sollëm limuzinat nga shtetet fqinje. Princi saudit do të vijë me tre avionë privatë dhe ka rezervuar një hotel të tërë vetëm për vete”, shkruajnë mediat helene. “Ai sjell gjithçka vetë, çarçafë, pjata. Nuk beson asgjë”, tha Aris Portosalte.