Prej kohësh në mediat rozë përflitet se Einxhel Shkira dhe Dj Dagz janë në pritje të fëmijës së tyre të parë.
Ndonëse Einxhel e ka mohuar lajmin, madje ka reaguar me ironi për faktin që njerëzit flasin “në emrin e mitrës së saj personale”, mesa duket dyshja do të bëhet vërtetë prindër.
Në rrjet ka qarkulluar një foto e dy ish-banorëve të “Big Brother VIP”, rrugëve të Prishtinës, ku duket qartë barku i rrumbullakosur i saj.
Kujtojmë se dyshimet nisën nga urimi që i bëri moderatorja partnerit për ditëlindje, ku nënkuptonte se kishte plotësuar një nga ëndrrat e tij më të mëdha, e më pas nga disa foto ku thuhej se moderatorja “kamuflonte” barkun e rrumbullakosur.
Nuk e dimë arsyen pse çifti ka vendosur të mos e ndajë lajmin e bukur, por fansat e tyre me siguri mezi po presin!
