Ndonëse duket e çuditshme dhe e pakuptimtë, në Europë ekziston një plazh ku gratë dhe burrat shijojnë detin të ndarë në bazë të gjinisë?
Epo…ndodhet në Trieste, në verilindje të Italisë dhe quhet “El Pedocin”. Një mur, 3 metra i gjatë, u ndërtua në vitin 1903 për të ndarë gratë dhe burrat.
Për shkak të kësaj ndarje gjinore, gratë kanë mundësinë të diskutojnë për tema për të cilat burrat e tyre nuk janë të interesuar. Burrat kanë gjithashtu mundësinë të flasin për sportin dhe tema të tjera që normalisht nuk mund t’i referohen para grave të tyre.
Gjithsesi, duhet ta dini, për këtë ndarje, kanë votuar vetë banorët vendas në një referendum në vitin 1943. Ata votuan që po, të vijonte ekzistenca e kësaj ndarjeje, në mënyrë që njerëzit të ishin komplet të lirë dhe të shijonin detin rehat, me ose pa rroba banjo.
Sipas gazetës gjermane “Frankfurter Allgemeine Zeitung”, plazhi “El Pedocin” është një përzierje e kulturave, të krishterëve dhe myslimanëve që notojnë së bashku.