Ndonëse, pritet të takohen shumë shpejt në Bruksel, duket se Aleksandër Vuçiç dhe Albin Kurti nuk kanë ndërmend t’i ndalin akuzat dhe sulmet.
Së fundmi, Presidenti i Serbisë, Aleksandër Vuçiç, ka thënë se forcat ushtarake të Serbisë me ato të Kosovës as nuk krahasohen. Ai ka thënë se nuk e nënvlerëson forcën e Kosovës, por s’janë për krahasim.
“Sa i përket forcës së forcave tona të armatosura dhe asaj që nuk duhet të ekzistojë, nuk i nënvlerësoj, por thjesht nuk është për krahasim”, ka thënë Vuçiq, duke iu përgjigjur pyetjes së gazetarëve.
Serbia e ka kundërshtuar formimin e ushtrisë së Kosovës, por ashtu nuk kanë mendua ashtu Shtetet e Bashkuara të Amerikës të cilët i dhanë mbështetje formimit të ushtrisë së Kosovës.
Vuçiç dhe Kurti do të takohen në Bruksel më 18 gusht, pas rritjes së tensioneve në veri të Kosovës si rezultat i vendosjes së masave të reciprocitetit nga qeveria kosovare.