Bashkimi Evropian është përballur me një mungesë të vërtetë të lidershipit, në një kohë që po përballet me një seri potencialisht shpërthyese të krizave të ndërlidhura ushtarake, diplomatike, energjetike dhe ekonomike.
Së fundmi kjo ka qenë një nga problematikat më të mëdha në union.
Madje, kryeministri i Polonisë, Mateusz Morawiecki foli me tone të ashpra teksa akuzoi Francën dhe Gjermaninë se po drejtojnë Bashkimin Evropian si një “oligarki de facto”.
Ai tha se ata injoruan paralajmërimin e Polonisë për rrezikun e pushtimit rus, duke lejuar luftën në Ukrainë.
“Shumë liderë evropianë lejohen të joshen nga Vladimir Putin. Ata tani janë në shok”, shkroi Mateusz Morawiecki në një shkrim për të përditshmen franceze Le Monde.
“Kthimi i imperializmit rus nuk duhet të jetë befasi për ne”, shtoi ai.
