Një banesë dy katëshe është djegur në fshatin Drenovicë në Dimal. Banesa është përfshirë nga flakët pasi është goditur nga rrufeja në fshatin Drenovicë.
Në momentin e përhapjes së zjarrit në banesën e vëllezërve Golemi, pjesëtarët e dy familjeve kanë qenë në katin e parë.
Ata kanë arritur të dalin nga godina pa pësuar lëndime, të ndihmuar edhe nga fqinjët e tyre.
Zjarri tashmë është lokalizuar dhe flakët e zjarrit janë shuar plotësisht por banesa ka pësuar dëme të mëdha, sidomos në katin e dytë i cili është djegur pothuajse plotësisht.
