Ukraina kremton Ditën e Pavarësisë, Nikolla dhe Veliaj urojnë vendin në luftë

113 563 lexime

124,178FansaPëlqeje

Sot Ukraina feston Ditën e Pavarësisë nga Bashkimi Sovjetik, ndërsa ndodhet nën pushtimin rus. Nuk kanë munguar përshëndetjet për këtë ditë nga politikanë në Shqipëri.

Kryetarja e Kuvendit Lindita Nikolla përshëndeti popullin e Ukrainës dhe shprehu besimin në fitoren e Ukrainës ndaj agresionit të Rusisë.

“Në 24 gusht të vitit 1991, Verkhovna Rada, Parlamenti i Ukrainës, shpalli Deklaratën e Pavarësisë, e cila u ratifikua nga referendumi i 1 dhjetorit të po atij viti. Gjatë tre dekadave si një shtet i pavarur, Ukraina ka shënuar arritje të rëndësishme në zhvillimin ekonomik dhe konsolidimin e institucioneve demokratike. Ukraina është një vend mik i Shqipërisë dhe prej vendosjes së marrëdhënieve diplomatike në janar 1993 kjo miqësi ka ardhur duke u forcuar, edhe si rezultat i një komuniteti të diasporës shqiptare që jeton në Ukrainë, i vendosur kryesisht në rajonin e Odesës. Ukraina e kremton 31-vjetorin e pavarësisë në kushtet e një lufte të padrejtë, prej 24 shkurtit të këtij viti, pas agresionit të Rusisë. Shqipëria ka mbajtur një qëndrim të qartë e të vendosur në mbrojtje të integritetit territorial, sovranitetit dhe pavarësisë së Ukrainës, duke harmonizuar qëndrimin ndaj këtij agresioni me ato të ShBA-së, BE-së dhe NATO-s.

Mirënjohje e vlerësim  i kësaj mbështetjeje ishte fjalimi që mbajti në Kuvendin e Shqipërisë Presidenti i Ukrainës, z. Volodymyr Zelenskyy, në 3 maj, gjatë të cilit shprehu falenderimin për mbështetjen nga Shqipëria të luftës së drejtë të Ukrainës, mbështetjen e sanksioneve ndaj Rusisë, kontributin si anëtare jo e përhershme e Këshillit të Sigurimit të OKB dhe bashkëpenëmbajtëse me ShBA për mbështetjen e Ukrainës. Vizita e Kryeministrit Edi Rama në Kiev në 15 qershor, kontributi i Shqipërisë në Konferencën e Donatorëve dhe strehimi në vendin tonë i mbi tre mijë ukrainasve janë gjithashtu dëshmi të kësaj mbështetjeje. Me dashuri dhe në shenjë solidariteti mora pjesë me një video-përshëndetje në veprimtarinë “Embrace Ukraine”, organizuar në 16 qershor në Amsterdam, me pjesëmarrjen e personaliteteve politikë e publikë nga Evropa dhe bota.

Lexo edhe :  Simptomat alarmante të Ishemisë, hapat si ta parandaloni

Në këtë ditë të shënuar, i shpreh  Kryetarit të Verkhovna Rada, kolegut Ruslan Stefanchuk, solidaritetin e Kuvendit të Shqipërisë dhe timin personal si edhe besimin se populli i  Ukrainës do ta fitojë luftën e padrejtë që i është imponuar.  Ora e historisë nuk kthehet prapa! Gëzuar Ditën e Pavarësisë, në kohë të vështira, popullit të Ukrainës”, shkroi Lindita Nikolla në Facebook.

Edhe kryetari i Bashkisë Tiranë Erion Veliaj uroi 31-vjetorin e pavarësisë së Ukrainës nga ish-Bashkimi Sovjetik.

Përmes një postimi në rrjetet sociale, kryebashkiaku Veliaj shkroi se këtë vit, bluja dhe e verdha u bënë ngjyrat e qëndresës, trimërisë dhe dinjitetit.

“Këtë vit, bluja dhe e verdha u bënë ngjyrat e qëndresës, trimërisë dhe dinjitetit! Gëzuar Ditën e Flamurit vëllezërve dhe motrave ukrainas që jetojnë në Tiranë dhe qytetarëve të guximshëm të Ukrainës, që ende luftojnë në mbrojtje të vendit të tyre!”, shkroi Veliaj.

Erion Veliaj uron Ukrainën në 31-vjetorin e Pavarësisë, Bashkia e Tiranës vishet me flamurin ukrainas

Ndërkohë, në godinën e Bashkisë në Tiranë është shpalosur një flamur i madh ukrainas si përshëndetje ndaj pavarësisë dhe përkrahje e Kievit në luftën e paprovokuar me Rusinë.

Të fundit

Investimet e huaja/ Rama projekton rritje me 4 miliardë dollarë

Kryeministri Edi Rama në fjalën e tij në mbledhjen e Këshillit Ekonomik Kombëtar, e sheh dialogun mes qeverisë dhe...

Dosja “5 D”/ Korrupsion dhe shpërdorim detyre, SPAK  lëshon 9 masa sigurie

Prokuroria e Posaçme kundër Korrupsionit dhe Krimit të Organizuar dha detaje për arrestimin e 9 personave, zyrtarë dhe ish-zyrtarë të Bashkisë së Tiranës nën...

Horoskopi për ditën e sotme, 29 Mars 2024

Dashi Mund të keni bërë shumë shpenzime në të kaluarën dhe tashmë mund t’ju duhet të përballeni me pasojat. Si rezultat, mund ta gjeni veten...

“U largova nga futbolli pasi nuk e njihja më”,Klose: Të rinjtë e kanë mendjen tek makinat

Miroslav Klose është një nga ata që ka shkruar historinë me fanellën e kombëtares së Gjermanisë, por edhe Bayern Munich. I tërhequr nga futbolli...

Lajme të tjera

Web TV