Njerëzit në Gjermani kanë shijuar një ofertë shumë të lirë transporti këtë verë. Për muajt qershor, korrik dhe gusht, transporti publik ka kushtuar vetëm 9 € në muaj – ose 27 € për të gjithë periudhën – për të gjithë, përfshirë turistët (edhe pse fëmijët nën moshën gjashtë vjeç zakonisht udhëtojnë falas).
Por, mesa duket shumë vende po ndjekin shembullin e “motorit ekonomik” të Evropës, për të lehtësuar sadopak barrën e qytetarëve.
Qeveria spanjolle po tenton të ndihmojë familjet për shkak të krizës ekonomike që ka prekur vendin. Për këtë Spanja ka njoftuar se biletat e trenit do të jenë falas për ata do të udhëtojnë deri në 300 kilometra, sipas Daily Mail.
Biletat do të jenë falas për banorët vendas të ofruara nga Renfe, operatori ndërkombëtar, megjithatë, kjo nuk do të përfijë trenat e shpejtësisë së lartë, AVE.
Po ashtu, për udhëtimet mbi 300 kilometra, biletat do të jenë me gjysmë çmimi.