Kryeministri Edi Rama ka kujtuar sërish përjetimet e ngjarjes së rëndë që tronditi Shqipërinë një muaj më parë, në Potam të Himarës, ku një shef policie, Arjan Tase goditi për vdekje me skaf një vogëlushe në breg të detit.
Kryeministri Edi Rama teksa prezantonte Drejtorin e Policisë së Shtetit, Muhamet Rrumbullaku, ka komentuar tragjedinë në plazhin e Himarës, ku polici përplasi për vdekje 7-vjeçaren.
“Nga goditja e një skafi në bregun e detit, sot kur vala e madhe e reagimeve mbi plagën e sapo hapur është fashitur, por dhe meqënëse jemi këtu në ministrinë e Brendshme në një moment ndryshimi në Policinë e Shtetit kam dëshirë të ndaj një reflektim me publikun dhe me ju që jeni gjithë skuadra drejtuese e ministrisë dhe policisë.
Dhimbja për një jetë aq të re të rrëmbyer aq egërsisht nga një shkelje e papërgjegjshme e rregullave më ka gërryer me ditë dhe netë.
Edhe kur i shkruajta tani që po i lexoj këto rreshta prapë kam një ndienjë shumë të fortë revolte për faktin se shkelësi i cili u kthye në vrasës, nuk ishte një pushues i zakonshëm por një punonjës policie, që normalisht dhe si pushues duhet të jetë shembulli i respektit për ligjin dhe për rregullin.
Ky fakt e bëri tragjedinë jo vetëm për prindërit e familjarët e vogëlushes e për cdo shqiptar jo thjesht të dhimbshme, por dhe shumë revoltuese për shkak të profilit të autorit.
Ajo tragjedi nuk ishte, nuk do ketë e nuk ka sot asnjë ngushëllim se nuk ka si të ketë ngushëllim për familjen e një fëmije viktimë, ama është vendi të thuhet se në kulmin e një dhimbje ekstreme ajo familjen e thejshtë tregoi një vetëpëmbajtje të hatashme”, tha kryeministri.
