Kreu i PL, Ilir Meta ka shuar dyshimet se ka një krisje mes Partisë së Lirisë dhe asaj Demokratike, pasi Sali Berisha nuk mori pjesë në protestën e djeshme.
Meta tha se nuk ka asnjë krisje dhe se fronti opozitar është bashkë, por që PL dhe PD kanë axhendën e tyre.
“Fronti opozitar, jo vetëm Partia e Lirisë dhe Partia Demokratike, kush është në opozitë me Ramën e kanë për detyrë të jenë bashkë. Kjo nuk do të thotë që PL dhe PD janë një. Në shtylla kryesore ne jemi së bashku dhe do kordinohemi së bashku. Ta mbajmë vëmendjen te inceneratorët”, tha Meta ndër të tjera për Ora News.
