Të shtëna me armë zjarri janë regjistruar mbrëmjen e kësaj të diele në Shkodër. Burime të ndryshme bëjnë me dije se ka mbetur i vdekur 1 person, i identifikuar si Erjon Xhenja, rreth 20-vjeç.
Ngjarja ka ndodhur brenda një lokali në bulevardin ‘Bujar Bishanaku’, pranë kryqëzimit të Kirasit.
Trupi i viktimës ndodhet ende në brendësi të lokalit. E gjithë zona është e rrethuar nga forcat e policisë ndërsa ka mbërritur edhe grupi hetimor për të mësuar detajet.
Ngjarja ka ndodhur vetëm pak minuta pas përfundimit të ndeshjes në stadiumin ‘Loro Borici’, ku Vllaznia arriti të merrte fitoren me rezultatin 1-0 në përballjen me Kastriotin.
