Një vrasës i dënuar, i liruar nga burgu për të luftuar për Rusinë kundër Ukrainës në momentin e vështirë të Kremlinit është dorëzuar dhe ka dezertuar në anën tjetër.
Yevgeny Nuzhin, 55 vjeç, po vuante një dënim me 24 vjet burg për vrasjen e një personi dhe plagosjen e një tjetri në vitin 1999.
Ai u lirua pasi një nga të besuarit e Putinit, Yevgeny Progozhin, u ofroi të dënuarve mundësinë për të shërbyer në ushtri për gjashtë muaj dhe më pas, nëse janë ende gjallë, për të fituar lirinë e tyre dhe një falje presidenciale.
“Ne ishim në stërvitje për shtatë ditë, skuadra e 7-të ishte një njësi sulmi,” shpjegoi Nuzhin, i cili tha se ishte vizituar nga Progozhin në një burg në rajonin Ryazan të Rusisë.Nuzhin i tha gazetarit ukrainas Yury Butusov se ai kishte vendosur paraprakisht të dorëzohej në Ukrainë, ku jetojnë disa nga familjarët e tij.
Ai shtoi: Unë do të doja të vazhdoja të luftoja në anën e ukrainasve, kështu që u dorëzova dhe mora vendimin tim shumë kohë më parë. Unë nuk mund të shkoj në luftë kundër të afërmve të mi, motrës sime, xhaxhait tim, vajzës sime.
Është e paqartë se çfarë do të ndodhë tani me ish-ushtarin e Rusisë pasi gruaja dhe një fëmijë i tij janë ende në Rusi.
