Takimi/ Meta pajtohet me Kim, vendos marrëdhënie me SHBA-në

113 563 lexime

124,178FansaPëlqeje

Ilir Meta, kreu i Partisë së Lirisë, pas përplasjeve që pati me Yuri Kim para disa muajve ditën e djeshme e ka pritur në zyrën e partisë. Ai në një reagim të tijin tha se takimi konsistoi në marrëdhëniet e PL dhe Amerikës

Kreu i Partisë së Lirisë, Ilir Meta ka takuar ditën e djeshme ambasadoren e Shteteve të Bashkuara të Amerikës Yuri Kim. Nuk dihet nëse Meta i ka kërkuar takim ambasadores amerikane, apo Yuri Kim i ka këkruar takim Metës pas sulmeve të fundit që ai po i bën qeverisë apo edhe SPAK. Marrëdhënia e Metës me Kim u lëkundën në zgjedhjet e përgjithshme ku u përplasën për shkak të gjihës që përdori ish- presidentit Meta. Por pas dorëzimit të Presidnecës duket se marrëdhëniet e tyre ndryshuan që kur Kim e ftoi Metën në aktivitetin e ambasadës amerikane ku u panë të shtërngonin duar fort. Dje Ilir Meta ka ftuar në zyrën e tij Yuri Kim, ku ka qenë i shoqëruar me përfaqësuesit e Partisë së Lirisë, ish Partia Socialiste për Integrim. Në postimin e Metës thuhet se është folur për bashkëpunimin e Partisë së Lirisë me Amerikën. “Sot dje) mirëprita në selinë e Partisë së Lirisë Ambasadoren e SHBA, znj. Yuri Kim.

Kënaqësi të diskutonim hapur dhe në mënyrë konstruktive mbi bashkëpunimin e Partisë së Lirisë me SHBA”, tha Meta përmes një postimi në Twitter. Në këtë takim Meta shkruan se është diskutuar edhe çështja e integrimit të Shqipërisë në Bashkimin Europian. “Në interes të forcimit dhe intensifikimit të partneritetit strategjik midis Shqipërisë dhe Shteteve të Bashkuara përmbushjes të detyrimeve tona si vend anëtar i NATO-s, si dhe reformave prioritare të përshpejtimit të integrimit europian të Shqipërisë dhe Ballkanit Perëndimor në BE”, ka shkruar Ilir Meta. Nuk dihet se për çfarë kanë folur më tej shefi i Partisë së Lirisë dhe Yuri Kim, por me siguri është folur edhe për agendën politike të Ilir Metës sa i takon protestive. Ai nisi protestën e parë tek inceneratori i Tiranës ku nuk u pa ndonjë grumbullim i madh i njerëzve.

Lexo edhe :  Vrau gruan shtatzënë me gjithë foshnjën, autori i jep fund jetës

Reagon ambasada, Kim: Partitë të përfshihen në dialog për të çuar para negociatat me BE

Ambasada amerikane në Tiranë ka reaguar pas takimit të zhvilluar me kreun e Partisë së Lirisë Ilir Meta dhe deputetë të kësaj force politike. Gjatë takimit ambasadorja Kim përsëriti “nevojën që partitë politike të bashkohen për t’u përfshirë në dialog konstruktiv që forcon demokracinë, lufton korrupsionin dhe çon përpara negociatat e Shqipërisë për anëtarësim të plotë në BE.”

“Ambasadorja e Shteteve të Bashkuara Yuri Kim u takua sot me Kryetarin e Partisë së Lirisë, si pjesë e takimeve të saj të vazhdueshme me udhëheqës politikë shqiptarë. Ajo përsëriti nevojën që partitë politike të bashkohen për t’u përfshirë në dialog konstruktiv që forcon demokracinë, lufton korrupsionin dhe çon përpara negociatat e Shqipërisë për anëtarësim të plotë në BE”, shkroi Ambasada amerikane në Facebook.

 


Të fundit

11 muaj plot lumturi dhe një bebe rrugës, Einxhel Shkira ndan fotot e ëmbla me Dagz

Einxhel Shkira dhe Dj Dagz po jetojnë dashurinë e tyre që nisi brenda shtëpisë së famshme të “Big Brother...

6 Dhjetori/ Vangjeli: E përfytyroj doktorin me sytë te telefoni dhe veshin te dera

Analisti Lorenc Vangjeli tha në emisionin “Log” në Abc, se protesta e thirrur nga Sali Berisha më 6 dhjetor ditë që përkon me Samitin...

Botuesit rusë frikë nga censura: Do kthehemi në epokën e librave sovjetikë

Ligjet e reja anti-LGBT dhe ato kundër të ashtuquajturve “agjentë të huaj” e kanë lënë artin në Rusi të pambrojtur nga censura. Shitësit besojnë se...

VIDEO/ Kameruni shokon Brazilin dhe duke marrë tre pikët e para në Botëror

Kameruni ka arritur të mposhtë Brazilin me rezultat 1-0 në ndeshjen e fundit të fazës së grupeve, por kjo nuk i mjaftoi për të...

Fitore e çmendur!/ Zvicra e Shaqirit dhe Xhakës i jep një “shuplakë” Serbisë

Xherdan Shaqiri dhe Granit Xhaka në fazën e 1/8-ave, ndërsa Serbia në shtëpi. Zvicra triumfoi 3-2 në ndeshje ne fundit në grup përballë përfaqësueses serbe,...

Lajme të tjera

Web TV