Një dhëndër që vendosi të linte partneren e tij në ditën e dasmës, duket se nuk është penduar aspak për veprimin e tij dhe ka refuzuar që të kërkojë ndjesë.
“The Sun” shkruan se Kallum Norton e la zemërthyer të fejuarën e tij, Kayley Stead, kur u zhduk disa orë para se dyshja të jepnin premtimet në ceremoninë e martesës.
Polici i ri Kallum në forcën e Gwent në Uells, kishte përfunduar trajnimin e tij vetëm disa ditë para se t’ia mbathte nga ceremonia 12,000 paundëshe e martesës.
Dyshja kishin qenë në një lidhje prej më shumë se katër vjetësh dhe jetonin në Swansea të Uellsit, ndërsa duhet të ishin martuar më 15 shtator.
Pasi ‘arratisja’ e tij nga dasma u bë virale në rrjet, ai është pyetur nga mediat nëse do të kërkonte ndjesë ndaj Kayley dhe Kallum tha: “Nuk dua të flas për këtë”.
I riu kishte fjetur në një karavan pranë vendit të ceremonisë natën para martesës, por ishte larguar në orët e para të mëngjesit. Më vonë babai i tij kishte telefonuar për të njoftuar se i biri nuk do të paraqitej.
Kështu që në vend që të çonte dëm paratë e shpenzuara për ceremoninë, 27-vjecarja nisi të festonte me të dashurit e saj sipas programit, duke thënë se kjo ishte “dita e triumfit”.
Kur dëgjoi përgjigjen e Kallum, Kayley më zemër të thyer tha: “Nuk e prisja këtë, por pres që njeriu të jetë përgjegjës për veprimet e tij”.
