Një makinë është djegur gjatë orëve të vona të natës në Bilisht.
Mësohet se mjeti është në pronësi të 27-vjeçares Deizi Arapi dhe është djegur plotësisht.
Policia ndodhet në vendin e ngjarjes për të zbardhur rrethanat dhe ende nuk është përcaktuar nëse djegia e mjetit ka qenë e qëllimshme apo aksidentale.
Kjo është hera e dytë që 27-vjeçares i djegin makinën.
Deizi Arapi u arrestua një muaj më parë pasi u konfliktua me punonjësit e policisë gjatë shoqërimit në Komisariat pas ankesave të banorëve për prishje të qetësisë publike.
27-vjeçarja së bashku me të motrën, Xhesika Arapi u shoqëruan në komisariat më 23 gusht gjatë natës ndërsa udhëtonin me makinën e tyre duke shkaktuar zhurmë në rrugët e qytetit.
Kur policia mbërriti për t’i shoqëruar, motrat nuk kursyen fjalorin banal ndaj uniformave blu.
Në vitin 2018 Deizi Arapit i kanë djegur makinën tip “Smart”. Hetimet në atë kohë bënë me dije se djegia e mjetit mund të ishte bërë për hakmarrje mes vajzave.
