Çfarë janë tumoret e trurit dhe nga se shkaktohen?

113 563 lexime

124,178FansaPëlqeje

Tumori i trurit është një rritje e qelizave jo normale dhe jo të shëndetshme të trurit.

Ekzistojnë shumë lloje të ndryshme të tumoreve të trurit. Disa prej tyre janë jo-kanceroze (beninje) dhe disa të tjera janë kanceroze (malinje). Tumoret e trurit mund të kenë fillesën në tru (tumoret primare të trurit), ose kanceri mund të ketë fillesën në një organ tjetër të trupit dhe të përhapet në tru (lezione sekondare, metastaza në tru).

Shpejtësia me të cilën mund të rritet një tumor i trurit ndryshon për secilin lloj tumori. Madhësia dhe lokalizimi i tumorit përcakton edhe ndikimin e tumorit ne funksionet e trurit e si rrjedhojë në simptomat që do të shfaqen.

Trajtimi i tumoreve të trurit varet nga lloji i tumorit, madhësia dhe lokalizmi.

Cilat janë simptomat e tumoreve në tru?

Shenjat dhe simptomat e tumoreve të trurit varen nga madhësia, lokalizimi dhe shpejtësia e rritjes së tumorit.

Në përgjithësi ato mund të jenë:

Dhimbje e koke e re ose ndryshim në intensitet dhe shpeshtësi e dhimbjeve të zakonshme të kokës

Nauze dhe të vjella të pashpjegueshme

Probleme me shikimin, si shikim i turbulluar ose humbje e shikimit periferik

Humbje e ndjesive ose e lëvizjes në një këmbë ose krah

Humbje të ekuilibrit

Probleme me të folurën

Konfuzion në çështje të përditshme

Ndryshime të personalitetit ose sjelljes

Atak konvulsiv (pa histori të mëparshme)

Probleme me dëgjimin

Cilat janë shkaqet e tumoreve të trurit?

Tumoret primare të trurit e kanë origjinën në tru ose në indin përreth, si në membranat e trurit (meningjet), nervat kraniale, gjëndrën e hipofizës dhe gjëndrën pineale.

Tumoret primare të trurit shfaqen kur qeliza normale të trurit pësojnë mutacione në materialin e tyre gjenetik të reja apo të trashëguara. Këto mutacione nxisin rritjen e pakontrolluar të qelizave kanceroze dhe rezultati është një masë qelizash jo normale – të cilën e quajmë tumor.

Në adultë, tumoret primare të trurit janë më të rralla se metastazat nga tumore të tjera në trup.

Ndër tumoret primare të trurit mund të përmendim:

Gliomat – tumore të cilat e kanë origjinën në tru ose palcën kurrizore dhe përfshijnë astrocitomat, ependimomat, glioblastomat, oligoastrocitomat dhe oligodendrogliomat.

Meningeomat – janë tumore të cilat e kanë fillesën në membranat e trurit. Në shumicën e rasteve meningeomat janë beninje.

Lexo edhe :  6 dhjetori i Berishës, tjetër negociatë për fatin e tij

Shvanomat akustike – tumore beninje të cilat e kanë fillesën në nerva që kontrollojnë ekuilibrin dhe dëgjimin.

Adenomat e hipofizës – tumori më i shpeshtë beninj që zhvillohet në gjëndrën e hipofizës. Këto tumore ndikojnë në hormonet e hipofizës, të cilat kanë ndikim në gjithë trupin.

Meduloblastoma – tumoret kanceroze të trurit më të shpeshta te fëmijët. Meduloblastoma ka tendencën të shfaqet në pjesët më inferiore të trurit dhe të përhapet në likuidin cerebro-spinal. Këto tumore hasen edhe në të rritur por janë shumë të rrallë.

Tumoret germinale – mund të zhvillohen në fëmijë, gjatë kohës së formimit të testikujve dhe ovareve. Por mund të ndodh që këto lloj tumoresh të shfaqen edhe në pjesë të tjera të trupit, si në tru.

Kraniofaringiomat – tumore të rralla jo kanceroze, të cilat e kanë fillesën në afërsi të gjëndrës së hipofizës, e cila kontrollon shumë funksione të trupit. Me zmadhimin e këtij tumori në tru, mund të preken struktura të tjera trurit në afërsi të tumorit.

Cilët janë tumoret më të shpeshta që shkaktojnë metastaza në tru?

Tumoret sekondare të trurit (metastatike) janë tumore të cilat e kanë fillesën diku tjetër në trup dhe përhapen në formën e metastazave në tru.

Zakonisht, metastazat e trurit ndodhin në persona të diagnostikuar me kancer por mund të ndodh të jenë edhe shenja e parë kancerit.

Në adultë, tumoret sekondare të trurit janë shumë më të shpeshta se tumoret primare.

Llojet më të shpeshta të kancerit të cilat mund të japin metastaza janë:

  • Kanceri i gjirit
  • Kanceri i kolonit
  • Kanceri i veshkave
  • Kanceri i mushkërisë
  • Melanoma

Cilët janë faktorët e riskut?

Në më të shumtë e rasteve, shkaqet e tumoreve primare të trurit mbeten të panjohura. Disa nga faktorët e identifikuar deri tani janë:

Ekspozimi ndaj rrezatimit. Personat e ekspozuar ndaj rrezatimeve jonizuese kanë risk më të lartë për tumore primare të trurit.

Histori familjare me tumor të trurit. Një pjesë e vogël e tumoreve të trurit ndodhin në persona me histori familjare për tumore të trurit, si pasojë e sindromave gjenetike të trashëguara.

Burimi: miaclinic.al


Të fundit

“Mirë se vini në Shqipëri, bukë, kripë dhe…”/ Berisha mesazh europianëve për protestën

Kreu i PD, Sali Berisha ka reaguar lidhur me protestën që do të zhvillohet më 6 dhjetor. Në një postim...

VIDEO/ Argjentina mposht Australinë dhe do të përballet me Holandën në çerekfinale

Argjentina fitoi 2-1 ndaj Australisë dhe siguroi kualifikimin në çerekfinalet e Kupës së Botës, raund në të cilin do të përballet me Holandën për...

‘U burgos 3 herë për dhunë’, rrëfimi i 54-vjeçares që kërcënohet nga burri

Emisioni “Review” në Euronews Albania ka sjellë historinë e një gruaje në Kukës, ndaj së cilë është ushtruar dhunë për 30 vite nga bashkëshorti...

Vrasja e gruas shtatzënë/ Mjeku tregon nëse mund të shpëtohej foshnja

Mjeku Astrit Bimbashi deklaroi se nga ana praktike, do të ishte e pamundur që mjekët të ndërhynin pas vrasjes së gruas shtatzënë, Hamide Magashi,...

Fundi i krizës energjetike në Evropë është në horizont

Nuk ndodh shpesh që unë të jap lajme të mira, por gjykoj se këta parashikues ka të ngjarë të jenë më shumë pesimistë sesa...

Lajme të tjera

Web TV