Albin Kurti: Kurrë nuk i kam shtrënguar duart me Aleksandër Vuçiçin

113 563 lexime

124,178FansaPëlqeje

Albin Kurti nuk i ka shtrënguar kurrë duart me liderin serb Aleksandër Vuçiç. Kryeministri i Kosovës e ka zbuluar këtë detaj gjatë një interviste për gazetën zvicerane “Republik”.

“Jo kurrë. Kjo për shkak se jemi takuar tre nga katër herë gjatë pandemisë dhe nuk ka ende një marrëveshje përfundimtare”, ka thënë ai.

Ndërkaq, Kurti ka folur për dialogun me Serbinë dhe mundësinë e një konflikti me shtetin fqinj. Kurti duke folur për mundësinë e një konflikti, ka thënë se Serbia është një regjim klient i Kremlinit.

“Serbia dhe Rusia zhvillojnë stërvitje të përbashkëta ushtarake të quajtura ‘Mburoja Sllave’ dhe ‘Vëllazëria Sllave’. Pjesa më e madhe e industrisë së naftës në Serbi është në pronësi të Gazpromit. Ministria ruse e Mbrojtjes ka ngritur zyrën e saj në kuadër të Ministrisë së Mbrojtjes së Serbisë. Serbia merr tanke dhe sisteme armatimi nga Moska. Gjermania është gjithashtu e varur nga nafta e Putinit. Por ajo që e bën Serbinë unike në Evropë është se ajo refuzon të mbështesë sanksionet e BE-së kundër Putinit. Sot, 70 për qind e serbëve kanë një opinion pozitiv për Vladimir Putin. Në të njëjtën kohë, mbështetja për Bashkimin Evropian ka rënë në nivelin më të ulët historik prej 30 për qind. Ky humor është përhapur edhe te serbët në Kosovë, veçanërisht në veri të vendit”, ka thënë Kurti, transmeton RTK.

Më tej ai ka thënë se Kosova nuk ka frikë nga konflikti, por megjithatë janë vigjilentë.

“Ne mbetemi të shqetësuar. Sipas meje, ka katër arsye që e bëjnë një konflikt të imagjinueshëm. Së pari, Serbia ende nuk e njeh pavarësinë e Kosovës. Ajo lufton kundër njohjes sonë ndërkombëtare dhe në të njëjtën kohë financon strukturat ilegale brenda Kosovës për të minuar sundimin e ligjit dhe sovranitetin tonë. Së dyti: Në Serbi nuk mund të pajtohen me krimet e luftës të kryera në vitet 1990. Nuk ka keqardhje. Arsyeja e tretë që më shqetëson: Kosova është demokraci, Serbia jo. Kushdo që kufizohet me një autokraci është në rrezik. Së katërti, Beogradi zyrtar mban lidhje të ngushta me presidentin despotik rus Putin. Vuçiç e ka takuar Putinin gati 20 herë në 10 vjet, më e fundit më 25 nëntor 2021 në Soçi, tre muaj para fillimit të luftës. Tani e citoj Vuçiçin: ‘Ne folëm për standarde të dyfishta dhe hipokrizi në marrëdhëniet ndërkombëtare. Presidenti Putin e kupton se për çfarë po flas. Ne folëm edhe për veriun e Kosovës dhe ia tregova atë Putinit në hartë’. Pse Putini është i interesuar për veriun e Kosovës, pyes veten”, ka thënë Kurti.

Lexo edhe :  Prekëse! I ati në paraburgim, vajza e Jakup Krasniqit shkon në Hagë për t’u fejuar

Më tej, Kurti duke folur për dialogun, ka thënë se atmosfera gjatë takimeve me Vuçiçin në Bruksel është përmirësuar. Ai gjithashtu ka thënë se NATO do të mbetet në Kosovë sepse Kosova dëshiron të anëtarësohet në NATO.


Të fundit

Masat e sigurisë për 6 dhjetorin, Çuçi: Protesta të mbahet, por jashtë zonës së kuqe

Ministri i Brendshëm Bledi Çuçi është takuar ditën e sotme me kreun e Policisë së Shtetit, Muhamet Rrumbullaku dhe...

Zhdukja e Ervis Martinajt: Rrumbullaku: Jemi në rrugë të mbarë për zgjidhjen e misterit

Kreu i Policisë së Shtetit Muhamet Rrumbullaku u pyet nga gazetarët paraditen e sotme edhe në lidhje me fatin e Ervis Martinajt, i cili...

Kupa e Botës/ Sot nis faza me eliminim direkt, Holanda dhe Argjentina synojnë kualifikim

Ka përfunduar faza e grupeve në Kupën e Botës, por pa humbur fare kohë do të nis ajo e eliminimit direkt. Pasi janë mësuar të...

Çmendi serbët në stadium/ Rrëfimi prekës i Xhakës: Babai vuajti 3 vjet e gjysmë në burgje

Granit Xhaka sot u shndërrua sërish në hero të shqiptarëve të Kosovës pasi bashkë me kombëtaren e Zvicrës ia doli ta mposhte dhe eliminonte...

Lajme të tjera

Web TV