Ahmetaj: E vërteta e largimit tim nga qeveria dhe postet në PS

113 563 lexime

124,178FansaPëlqeje

Arben Ahmetaj flet për herë të parë pas largimit nga qeveria dhe të gjitha posteve në PS. Në një intervistë për Vizion+, Ahmetaj foli edhe për akuzat e opozitës për inceneratorët. Vendimin e kryesisë së Partisë Socialiste për t’i hequr së fundmi edhe drejtimin politik të qarkut të Vlorës, Arben Ahmetaj thotë se e priti me kënaqësi.

“Me shumë kënaqësi. Riorganizimi është normal. Ndodh shpesh. Ka ndodhur. Do të ndodhë. Nuk ka ndonjë gjë të re”, tha Ahmetaj. Madje largimin e radhës edhe nga detyra drejtuese brenda partisë, pasi në korrik u shkarkua nga zëvendëskryeministër dhe ministër shteti për rindërtimin, Arben Ahmetaj thotë se është proces i zakonshëm riorganizimi.

“Unë dhe Partia Socialiste dhe të gjithë kolegët jemi një. Këto janë vetëm telenovela, por si duket nuk ka lajme. Ka nga këto lajme kështu që nuk e ngrefin dhe ndoshta ju kërkoni këto lajmet e vogla që ndoshta e ngrehin” – shton Ahmetaj.

Ish-numri “2” i qeverisë e përjashtoi mundësinë se mosmbajtja e asnjë detyre kryesore lidhet me aferën korruptive të inceneratorëve.

“Çfarë lidhje kam unë me inceneratorët. Ato janë vepra në ndërtim. Çfarë ke ketë lidhje, më thuaj si e lidh ti?” – tha Ahmetaj.

Ahmetaj u pyet për akuzat e LSI-së dhe Partisë Demokratike.

“Emrin, kanë përmendur edhe tëndin, edhe të të gjithëve. Unë nuk dua t’ia di se kush e përmend emrin tim. Nuk është se më emocionon ndonjë gjë. Është çështje që është në diskutim në institucionet përkatëse. Ju doni të bashkoni pika që nuk ekzistojnë” – tha ai.

Ish-ministër i Financave dhe Ekonomisë, më pas njeriut që iu besua Rindërtimi dhe numri dy i qeverisë, sot Arben Ahmetaj është një deputet i thjeshtë. ©LAPSI.al


Të fundit

Përfundon Kupa e Botës për portierin Andre Onana, lojtari zgjedh të largohet nga skuadra

Andre Onana do të largohet nga Katari. Portieri i Kamerunit u përjashtua nga ndeshja me Serbinë për arsye disiplinore. Mosmarrëveshjet...

Komentatori kosovar refuzon t’u përmendë emrat lojtarëve serb, ja arsyeja

Dita e djeshme ishte një ditë e shënuar për të gjithë shqiptarët, jo vetëm ata që ndodhen brenda kufirit të terrorit zyrtar të Shqipërisë. Një...

Protesta e Berishës më 6 dhjetor, Meta e konfirmon: Do marrim pjesë!

Kreu i Partisë së Lirisë ka pranuar publikisht se do t’i bashkohet protestës së Sali Berishës më 6 dhjetor. "Siguria në Shqipëri është nën kërcënimin...

Juventus zgjedh presidentin e ri, ja kush i merr “frenat” e klubit bardhezi

Edhe pse vëmendja kryesore është te Botërori i Katarit, lajmi i dorëheqjes së Andrea Agnellit dhe bordit drejtues të Juventusit bëri xhiron e botës...

Sizmiologu i famshëm grek flet mbi tërmetet e fundit: Çfarë e pret rajonin

Sizmiologu kontravers grek Akis Tselentis ka bërë disa paralajmërime në lidhje me tërmetet e fundit në zonën e Evias në Greqi, të cilat sipas...

Lajme të tjera

Web TV