Shumë prej nesh kur shkojnë në supermarket, mendojnë se do të mbarojnë shpejt e shpejt punë e do të ikin, por përfundojnë aty ndoshta për orë të tëra.
Mirëpo, me shumë gjasa nuk e keni vënë re që supermarketet nuk kanë dritare. Pak a shumë si në kazino.
Dhe e dini pse? Truku është i thjeshtë: supermarketet duan që njerëzit të qëndrojnë të shkëputur nga bota e jashtë dhe arsyeja dihet tashmë – që të qëndrojnë më gjatë duke parë raftet e kësisoj, të blejnë më shumë.
Pa dritare, njerëzit e harrojnë sa është ora, si është moti jashtë, nëse po bie borë apo shi dhe thjesht dëgjojnë muzikën në sfond dhe kontrollojnë raftet.
Përpos këtij truku, dritaret duan hapësirën e tyre, kështu që supermarketet preferojnë që të shfrytëzojnë çdo metër për raftet e produkteve.
