Putin bën prapaktheu? Presidenti rus: Furnizimi me gaz për Europën mund të rikthehet!

113 563 lexime

124,178FansaPëlqeje

Presidenti Vladimir Putin ka deklaruar se Rusia mund të mundësojë furnizimin me gaz për Europën këtë dimër, duke përdorur një seksion të tubacioneve nga Nord Stream.

Në një fjalim këtë të mërkurë, Putin tha se linjat e tjera të tubacionit Nord Stream mund të riparohen, vetëm nëse garantohet përdorimi i tyre në të ardhmen.

Për planet e perëndimit për të vendosur një kufi çmimi për naftën ruse në përgjigje të pushtimit të Ukrainës nga Moska, presidenti rus fajësoi BE-në për rritjen e çmimeve globale të energjisë dhe përshëndeti një vendim të fundit të kartelit të prodhuesve të OPEC+ për të ulur prodhimin e naftës.

Putin fajësoi për sulmet ndaj tubacioneve Nord Stream 1 dhe 2 ata që “përfitojnë” në perëndim, duke lënë të kuptohet për përfshirjen e Uashingtonit, Kievit ose Varshavës.

Putin i përshkroi sulmet si një “precedent më të rrezikshëm” dhe paralajmëroi se infrastruktura tjetër mund të jetë në rrezik, në atë që në perëndim mund të shihet si një kërcënim i fshehtë. SHBA dhe aleatët e saj dyshojnë se Rusia ka sabotuar tubacionet pranë Danimarkës, duke çuar në rrjedhje të mëdha gazi në Detin Baltik dhe vendet evropiane kanë shtuar patrullimet ushtarake për të mbrojtur furnizimet me energji dhe infrastrukturën.

“Çdo pjesë kritike e infrastrukturës së transportit, energjisë ose shërbimeve [është] tani në rrezik,” tha Putin, “pa marrë parasysh se në cilën pjesë të botës ndodhet, nëse është shtrirë mbi shtratin e detit apo mbi tokë.”

Dëmtimi i tubacioneve mund të riparohet, tha Putin. “Por kjo do të ketë kuptim vetëm në rast të funksionimit të tyre të mëtejshëm ekonomikisht të qëndrueshëm.”

Lexo edhe :  Qeveria u propozoi rritje pagash, infermierët anulojnë grevën në Angli

“Nëse ne dhe evropianët arrijmë në një vendim të përbashkët për të furnizuar me gaz përgjatë degëve të mbijetuara, një degë e Nord Stream 2 duket se ka mbijetuar,” shtoi ai. “Ka ende presion në tub.”

Rusia ka shtyrë prej kohësh fillimin e NS2, i cili u vonua nga sanksionet e SHBA dhe më pas u bllokua nga hyrja në shërbim nga Gjermania pak para pushtimit të plotë të Ukrainës nga Rusia.

Një zëdhënës i qeverisë gjermane iu përgjigj Putinit, raportoi Reuters, duke thënë se Berlini përjashtoi mundësinë e pranimit të gazit nga NS2, të cilin nuk e ka certifikuar. Ai shtoi se Rusia mund të rifillojë dërgesat përmes NS1. Të dy tubacionet NS1, megjithatë, mbeten të dëmtuara.

Putin sugjeroi gjithashtu krijimin e një qendre gazi në Turqi që mund të përdoret për të furnizuar Evropën. “Ne mund të lëvizim vëllimet e humbura. . . në rajonin e Detit të Zi. Dhe në këtë mënyrë, ne mund të bëjmë rrugët kryesore për dërgimin e karburantit dhe gazit tonë natyror në Evropë përmes Turqisë”, tha ai./ Përkthyer nga Financial Times

Të fundit

-79°C, e sërish pritet ulje! Verilindja e SHBA-ve nën temperatura të ulëta kërcënuese

Pjesa verilindore e SHBA-ve është përfshirë këtë fundjavë nga temperatura në nivele të ulëta e të rrezikshme. Në pikën...

G-7, Evropa arrijnë marrëveshje për kufirin e çmimit të naftës ruse

Sekretarja amerikane e Thesarit, Janet Yellen tha të premten se vendet e industrializuara të Grupit të Shtatëshes po vendosin një çmim tavan për produktet...

Putin ka gati planin 2 të luftës/ Do të zgjasë deri në Pranverë, trupat në gatishmëri

Qindra mijëra trupa, tanke, sisteme të blinduara, antitank, robotikë dhe, në sfond, armë bërthamore taktike të gjeneratës së re po mobilizohen nga Moska në...

“Më fal xhaxhi…”, 21-vjeçari shqiptar grabit italianin nën kërcënimin e armës

Një 21 vjeçar shqiptar është arrestuar nga policia italiane pasi akuzohet se ka kryer një grabitje me armë në Firenze. Sipas mediave italiane, i...

Kejsi surprizon Stresin: Të mbështes edhe sikur çdokënd ta kesh kundër!

Ish partnerja e Stresit, Kejsi ka reaguar për herë të parë që prej hyrjes së Stresit në Big Brother Kosova. Ajo i ka uruar...

Lajme të tjera

Web TV