Janë publikuar për herë të parë pamjet të reja satelitore nga ura që lidh Gadishullin ukrainas të Krimesë, pas shpërthimit të fuqishëm të 8 tetorit.
Sipas pamjeve të publikuara nga CNN, duket se ka nisur lëvizja e kufizuar e mjeteve, ndërsa riparimet janë duke vazhduar.
Fotot tregojnë gjithashtu radhë të gjata me kamionë mallrash që presin të transportohen në Krime nga Rusia. Megjithëse trafiku i makinave në urë ka rifilluar, automjete më të mëdha si kamionë, furgonë dhe autobusë po udhëtojnë tani me traget përtej ngushticës së Kerçit.
Autoritetet ruse kanë arrestuar tetë persona në lidhje me sulmin në urë, njoftoi media shtetërore të mërkurën.
