Neymar flet në gjyq mbi transferimin tek Barcelona: “Unë firmos atë që më jep babai im”

113 563 lexime

124,178FansaPëlqeje

Futbollisti brazilian Neymar Junior ka dalë ditë ne sotme në gjyq për akuzat e ngritura ndaj tij, për fshehjen e të ardhurave në transferimin e tij në 2013, nga Santos në Barcelonë.

Para togave të zeza, ylli brazilian deklaroi se gjithmonë ka firmosur  atë që babai i tij i kishte thënë të firmoste

“Babai im ka qenë gjithmonë përgjegjës për negociatat e kontratës, ai ka qenë gjithmonë përgjegjës për këtë. Unë firmos atë që ai më thotë për të nënshkruar”,- siguroi lojtari gjatë deponimit të tij. Ai gjithashtu siguroi se “nuk mban mend” të ketë marrë pjesë në negociatat e marrëveshjes së nënshkruar në 2011 me Barcelonën rreth transferimit të tij të ardhshëm, që është në qendër të këtij gjyqi.

Fillimisht, e planifikuar për më 21 ose 28 tetor, seanca dëgjimore e lojtarit të martën u bë me kërkesë të avokatëve të Neymar, të cilët theksuan impenjimet e klientit të tyre, i cili duhet të luajë të premten me PSG-në në kampionat (AC Ajaccio) dhe të martën e ardhshme në Champions League ndaj Maccabi Haifa.

Lojtari nuk do të ketë më nevojë të kthehet në Barcelonë për të ndjekur procedurat gjyqësore në ditët në vijim. Ai do të mund të flasë, nëse do, për herë të fundit në gjyqin, të planifikuar për në 31 tetor, me videokonferencë.

Duke e akuzuar për korrupsion, prokuroria kërkoi dy vjet burg dhe 10 milionë euro gjobë ndaj sulmuesit brazilian. Në këtë gjyq janë edhe prindërit e lojtarit, dy ish-presidentët e Barcelonës, Sandro Rosell dhe Josep María Bartomeu, si dhe ish-menaxheri i klubit brazilian të Santosit, Odilio Rodrigues Filho. Ishin edhe personat juridikë të Barcelonës, Santosit dhe kompania e themeluar nga prindërit e Neymar për të menaxhuar karrierën e tij.

Të fundit

Interi është fitues i derbit të Milanos, goli i Lautaro Martinez vulos sfidën

Stadiumi “San Siro” në “flakë” pak pasi kishte kaluar gjysmë ore lojë në derbin Inter – Milan. Zikaltrit fituan...

Diskutimi mes Geasy dhe Luana Vjollcës: Do hap shampanjë kur të martohesh ti

“Zemër Luana” me autorësi dhe moderim të Luana Vjollcës në Tv Klan ka qenë një mbrëmje e tej mbushur me surpriza! Të ftuarit e kësaj...

Zhdukja e bletëve, kërcënim serioz për ekosistemin

Bashkimi Evropian ka bërë të ditur se është në përgatitje e sipër të një plani që ka të bëjë me rritjen e monitorimit të...

“Je ulli pa kokrra”, zihen dy kunatat: Je hasmi numër një, më ke ftohur zemrën

Pjesa e dytë e “Shihemi në Gjyq”, rubrikës së “E diela shqiptare” në Tv Klan ka nisur me tone të ashpra mes Marias dhe...

Ish-kryeministri izraelit: Putini premtoi se nuk do ta vriste Zelensky-in

Ish-Kryeministri i Izraelit Naftali Bennet, i cili shërbeu për pak kohë si ndërmjetës në fillim të sulmit rus në Ukrainë, thotë se Presidenti Vladimir...

Lajme të tjera

Web TV