Zgjedhjet lokale po afrojnë, dhe partitë kanë nisur përgatitjet. Të shumtë kanë qenë të shumë emrat që përfliten si kandidatë t% mundshëm për bashkinë e Tiranës, mes tyre edhe Dash Shehi.
Mirëpo, Kreu i LZHK-së, Dashamir Shehi ka deklaruare se ai nuk do të kandidojë, duke dhën kështu edhe një shembull shumë të mirë, pasi ka thënë se ka ardhur koha t’i hapet rruga brezit të ri.
Politikani i djathtë i pyetur nga moderatori Endri Xhafo në emisionin “Log”, ka thënë se që nga viti 2019 kur shprehu ambicien për kryebashkiak të Tiranës, është veç të tjerash dhe katër vite më i vjetër.
Në 2019-tën nuk ja mbylle derën vetës për një kandidim të mundshëm në Tiranë, ke ndryshuar?
Shehi: Jam nja katër vjet më i vjetër. Situata aktuale është që të gjithë të heqim nga pak dorë nga vetja jonë për t’i hapur rrugë brezit të ri. Po të kandidoj unë nuk e bëj atë bashkimin e opozitës. Është momenti të dalin figura të reja.
Ne na bashkojnë tre gjëra në këtë rast, na bashkon lufta kundër PS-së, lufta kundër arrogancës së Ramës, na bashkon edhe kandidati i përbashkët. Unë mendoj se janë të mjaftueshme për të përballuar një betejë elektorale. Kush na nda? Na ndajnë shumë gjëra, prandaj duhet të amplifikojmë këto që na bashkojnë.
