Ambasadorja e SHBA-ve, Yuri Kim ka zbuluar detaje nga takimi me ministrin e Mbrojtjes, Niko Peleshi.
Përmes një postimi në Tëitter, ambasadorja Kim shkruan se diskutoi sot me Peleshin mundësinë e bashkëpunimit SHBA-Shqipëri në forcimin e sigurisë kibernetike. Kim thekson gjithashtu se dënon sulmin kibernetik të Iranit ndaj sistemit TIMS dhe faqeve qeveritare shqiptare.
“Takova sot (dje) ministrin e Mbrojtjes, Niko Peleshi për të diskutuar bashkëpunimin SHBA-Shqipëri për mbrojtjen, përfshirë këtu forcimin e sigurisë kibernetike. Zyrtarët e SHBA, përfshirë sekretarin e Mbrojtjes në tetor në NATO, e bëri të qartë që ne e dënojmë sulmin kibernetik, të drejtuar nga Irani kundër aleatit tonë në NATO. SHBA do të mbështesë përpjekjet e Shqipërisë për të mbrojtur njerëzit dhe territorin, dhe për të kontribuar në qëllimin e NATO-s që të garantojë lirinë dhe sigurinë e të gjithë aleatëve.”, shkruan Kim.
