Uragani Roslin pritet të godasë brigjet e Paqësorit të Meksikës, duke sjellë me vete stuhi dhe përmbytje të rrezikshme.
Kështu njoftoi Qendra Kombëtare e Uraganeve të SHBA (NHC) dhe autoritetet meksikane u bënë thirrje banorëve të zonave të caktuara që të strehohen.
Zyrtarët e urgjencës po nxitonin për të përfunduar përgatitjet për t’u mbrojtur nga uragani ndërsa ai lëvizte drejt zonave turistike përgjatë bregut të Paqësorit të Meksikës.
Parashikuesit thonë se Roslin do të sjellë reshje të mëdha shiu në të gjithë Meksikën jugperëndimore, kryesisht në zonat si Colima, Jalisco, Nayarit dhe Sinaloa.
Në shtetin fqinj të Jalisco, guvernatori Enrique Alfaro tha se 270 njerëz ishin detyruar të largoheshin nga një qytet pranë rrugës së pritshme të uraganit dhe se pesë strehimore emergjente ishin ngritur në Puerto Vallarta.
