Viti i fundit ka qenë “i artë” për sportin shqiptar, duke qenë se kampionë si Luiza Gega apo Zelimkhan Abakarov kanë marrë medalje ari.
Sakaq, nuk mungon mbështetja edhe për artistët e rinj. Së fundmi skiatorja e talentuar, Lara Colturi u prit në një takim nga Kryebashkiaku i Tiranës, Erion Veliaj.
Ai vlerësoi talentin e saj dhe e siguroi për mbështetjen e bashkisë në vijim.
“Lara është skiatorja jonë fantastike. Është shumë e re, vetëm 15 vjeç, por një talent i jashtëzakonshëm. Mezi pres që, jo vetëm si skiatore e klubit tonë të Tiranës, por edhe si dikush që vesh uniformën kuqezi, të na përfaqësojë në kompeticionet e ardhshme. Do të sigurohemi që, i gjithë komuniteti i sipërmarrësve, teksa shohin se kemi një talent me ngjyrat e flamurit tonë, të na mbështesin që tani. Kemi parë se kur mbështesim talentet tona në shumë fusha, qoftë në atletikë, peshëngritje, mundje, apo në ski, kemi parë se ka pasur rezultat. Ne duam të jemi pjesë e suksesit tënd, edhe automatikisht suksesi yt është edhe suksesi ynë”, u shpreh Veliaj.
