Fasha 800 kilovat/ Rritja e çmimit të energjisë, qeveria në mëdyshje

113 563 lexime

124,178FansaPëlqeje

Pasi Enti Rregullator i Energjisë Elektrike vendosi që çmimi të rritet për abonentët që kalojnë mbi 800 kilovat orë në muaj, duke nisur nga 1 nëntori, fjala e fundit i mbetet qeverisë. Pritet që brenda një jave të dalin me qëndrim zyrtar për këtë çështje të ndjeshme që prek buxhetin e familjeve.

Vendosja e fashës 800kw/h për energjinë elektrike është kthyer në temën kryesore të debatit me interes publik. Qeveria duket e pavendosur për sa i takon rritjes së energjisë elektrike për ata që e kalojnë fashën 800 Kw dhe kjo duket nga deklaratat e prera të ERE dhe pastaj nga zbutja që qeveria i bën lajmit. Enti Rregullator i Energjisë ka lënë në fuqi vendimin për shtrenjtimin e energjisë elektrike për periudhën 1 nëntor deri në 31 dhjetor. Sipas njoftimit të saj, mbi 71 mijë familje që tejkalojnë fashën prej 800 kw/h në muaj do ta paguajnë energjinë me 42 lekë kilovatorin nga 9.5 që është aktualisht. Rritja e çmimit të energjisë, prek të gjitha ato familje, që aktualisht paguajnë mbi 9 mijë e 200 lekë në muaj. Vetëm dy ditë më parë, kryeministri Edi Rama mohoi kategorikisht rritjen e çmimit mbi fashën 800kwh në muajin nëntor, pas publikimit të disa informacioneve në media. Por dje, Ministrja e Energjisë, Belinda Balluku ka bërë një reagim në Twitter, ku shkruan se faturimi i energjisë fillon pas javës së parë të muajit. Ajo thotë se Shqipëria nuk ndodhet në një situatë të mirë hidrike me një nivel të ulët në Fierzë. Balluku thotë se qeveria do të analizojë çdo detaj para vendimit për fashën mbi 800kw/h. “Faturimi i energjisë nis pas javës së 1 të muajit. Me një situatë jo të mirë hidrike, kur niveli i Fierzës është më pak se 268m, por me pritshmëri për prurje më të mira në vazhdim & bazuar në uljen 6.2% të konsumit, do të analizojmë çdo detaj, para vendimit për fashën mbi 800kw/h”, shkruan Belinda Balluku. Pra qeveria kërkon edhe një herë kohë që të analizojë situatën hidrike. Kjo duke si një dorëheqje që Qeveria po i bën kësaj “nisme”. Rritja e çmimit të energjisë elektrike pritej që të behej që në muajin tetor, por ky afat u shty për shkak të reshjeve të bollshme që pati dhe u rrit niveli i kaskadës. Fakti që qeveria po e shtyn afatin duket sikur po mban në presion shoqërinë për të kursyer energjinë elektrike. ERE dhe në muajin shtator njoftoi që do të rritet çmimi i energjisë. “Çmimi i KESH për OSHEE nuk do të ndryshojë. Çmimi i energjisë do vijojë të jetë i pandryshuar. ERE ka marrë vendimin mbi legjislacionin”, tha kreu i bordit Petrit Ahmeti, por kjo nuk u zbatua nga Qeveria.


Të fundit

VIDEO/ Të pashmangshëm, Reali mposht Atleticon në kohën shtesë dhe kalon në gjysmëfinale

Real Madrid ka mposhtur Atletico Madrid në kuadër të çerekfinales së Kupës së Mbretit me rezultat 3-1, pas kohës...

Do ketë “non grata” nga BE për politikanë shqiptarë? Ambasadorja shpjegon rregullat

Ambasadorja e Bashkimit Europian në Tiranë Christine Hohmann është pyetur nga gazetarja Erla Mëhilli nëse do të ketë nga Brukseli vendime drastike për zyrtarët...

Akuzat për lidhjen me McGonigal/ Reagon Rama: S’ka lidhje me atë që ulëritet në Shqipëri

Kryeministri Edi Rama ka reaguar në lidhje me akuzat e opozitës për aferën me ish-zyrtarin e lartë të FBI-së Charles McGonigal për të dëmtuar...

Kush e bleu ish-zyrtarin e FBI?/ Ja si përgjigjet deputeti i PS

Deputeti i Partisë Socialiste, Toni Gogu tha  në emisionin Now në Euronews Albania se opozita në Shqipëri janë duke trilluar mbi aktakuzën ndaj ish-zyrtarit...

“Ik me gjithë puthje, se dua hiç…”/ Zihen keq Kiara dhe Luizi: Krenaria jote të djeg

Kiara dhe Luizi janë zënë sot keq me njëri-tjetrin. Gjithçka nisi pas një bisede me Oltën, e cila këshilloi Kiarën që ta puthte Luizin...

Lajme të tjera

Web TV