Kreu i grupit parlamentar të PD, Enkelejd Alibeaj, i ftuar në emisionin “Open” në News24 ka deklaruar se selia e PD është një seli e uzurpuar. Pyetjes së gazetares Merita Haklaj, Alibeaj iu përgjigj se ka vetëm një Parti Demokratike të njohur nga ligji dhe se në DP nuk ka dy kryetarë.
Mirëpo, a do të krijojë ai një parti të re i vetëm?
“Unë dhe kolegët e mi ishim me idenë që t’i shërbenim demokratëve. Unë jam te PD atje ku kam qenë, tek ajo që është partia që unë kam besuar që në ’90, dhe një gjë është e rëndësishme, vlerat nuk varen nga numrat, e përcakton sa t’i i qëndron atyre vlerave edhe në kohë të vështirë. Ne të krijojmë një forcë politike të re? Jo harroje! Besoj se ne na bën demokratë pikërisht vlerat, të cilat nuk mund dhe nuk duhet t’i cedosh. Unë jam përfaqësues i PD, këto teste, konkluzionin e thash, merreni si të doni, pakicë, shumicë… jam votuar nga Këshilli Kombëtar si nënkryetar, jam ushtrues i detyrës së kryetarit pas ikjes së Bashës. Nuk më intereson historia e Berishës, një parti vepron sipas ligjit dhe Statutit”, tha ai.