Deputeti Enkelejd Alibeaj është shprehur se kuorumi i nevojshëm për vendimmarrjet lidhur me zgjedhjet lokale në Kryesinë e mbledhur është plorësuar.
Alibeaj teksa foli për News 24 tha se të pranishëm në mbledhje ishin 18 anëtarë, pasi sipas tij 14 ishin pjesëmarrës fizikisht, ndërsa 4 të tjerë u lidhën online. Ai shtoi se PD do të organizohet për të hyrë në zgjedhje dhe do të përgatitet për gjithçka.
Alibeaj ka deklaruar se selia e PD është një seli e uzurpuar.
Pyetjes së gazetares Merita Haklaj se a e ka marrë malli të ngjisë shkallët e PD, Alibeaj iu përgjigj pa hezitim.
Haklaj: Ju ka marrë malli të ngjisni shkallët e PD?
Alibeaj: Jo dhe e them me dhimbje. Mbledhjet plot tensione që ia befte në mënyrë jo normale një nga deputetët që nuk ishte anëtar i grupit parlamentar, krijonin tension. Seli e zaptuar. Kalojmë tek çështja e gjykatës. Më 25 mars u dha një vendim që bëhet efektiv sa kohë që nuk ankimohet. Për sa kohë që në të drejtën time ushtrova të drejtën e ankimit, derisa të flasë gjykata duhet të heshtim. Kam kërkuar përshpejtim gjykimit që s’po ndodh.