Ministri i Jashtëm serb Ivica Daçiç ka paralajëmruar se nëse kryeministri i Kosovës, Albin Kurti, do të dërgojë Policë në veri të Kosovës, atëherë mund të ketë konflikt të armatosur.
“Asnjëherë nuk ka pasur policë shqiptarë në veri të Kosovës dhe nëse kjo ndodh, serbët do të rezistojnë dhe askush nuk mund t’i ndalë. Nëse kryeministri i Kosovës, Albin Kurti dërgon policinë në veri, mund të ketë konflikte të armatosura dhe këtë e dinë të gjithë”, ka thënë ai.
Theksojmë se deklarata e Daçiç vjen në një ditë kur Albin Kurti dhe presidenti serb Aleksandër Vuçiç kanë zhvilluar takime me kreun e politikës së jashtme të BE Josep Borrell dhe të dërguarin e BE për dialogun mes Prishtinës e Beogradit, Miroslav Lajçak, në Paris.