Janë zbardhur detaje të reja nga sulmi me thikë ndaj kryebashkiakut të Divjakës, Fredi Kokoneshi paraditen e sotme.
Kokoneshi ka pasur një debat me tone të ashpra me Ergest Xhelilin, ish-punonjës IT i bashkisë së Divjakës, i cili më pas e ka qëlluar me thikë.
Në këto momente ka ndërhyrë shoferi i Kokoneshit për t’i ndarë, por Xhelili ka goditur edhe këtë të fundit.
Mësohet se Ergest Xhelili ka debatuar me kryebashkiakun e Divjakës për lëvizjen nga punë të bashkëshortes infermiere.
Sakaq, Kokoneshi është dërguar në spitalin e Lushnjës me disa plagë në trup, teksa autori është ndaluar nga policia