Çdo të hënë e të enjte, ora 21:00, në ekranin e Top Channel rikthehet emisioni “Top Story”, me drejtuese ish-deputeten e Partisë Demokratike, Grida Duma.
Top Channel ka publikuar spotin e emisionit politik, në të cilin Duma thotë se Shqipëria është e vonuar, por jo e harruar.
“Të njëjtat dërr-derre politike që të gjithë e dinë që janë hipokrite, pyetjet e mëdha. Të lësh gjërat e vetes të lësh, të tutë, për të ndërtuar veten diku tjetër atje. Të harrosh çke kaluar për të shpejtuar atë që duhet të ndërtosh. Sepse Shqipëria nuk është e harruar, Shqipëria është e vonuar.
E vonuar për shkak të pakteve të errëta. Ne në fakt jemi këtu për të ndërtuar të ardhmen, jo për të rikujtuar. Jemi këtu për të ndërtuar një mendësi të re që është dhe nuk po i jepet zë. ON TOP njerëzit duhet të mendojnë dhe të veprojnë për të ardhmen e tyre,” shprehet Grida Duma.
Ditë më parë, kjo e fundit dorëzoi mandatin e deputetes duke u larguar nga politika.
View this post on Instagram
