Veliaj vijon turin e takimeve me të rinjtë: Tre premtimet e mbajtura për studentët

113 563 lexime

124,178FansaPëlqeje

Takimin me të rinjtë e Njësisë 9 në Tiranë, në vijim të turit në çdo njësi, kryebashkiaku Erion Veliaj e shfrytëzoi për t’i ftuar ata të bëhen pjesë aktive, jo vetëm e politikës, por edhe e vendimmarrjeve të Bashkisë së Tiranës. Ai shoqërohej edhe nga ministrja e Shëndetësisë, Ogerta Manastirliu, në cilësinë e deputetes së zonës.

“Për ne ka qenë kyç të fokusohemi te vendimet si aboneja falas për studentët, sepse unë besoj se ky është momenti për t’i dhënë një dorë kujtdo që ka nevojë. Kush ka nevojë? Pensionistët, ndaj kjo është arsyeja pse bëjmë indeksimin e pensioneve. Kush ka nevojë? Studentët, që janë ende ekonomikisht të varur nga familja. Unë besoj se duhet t’i adresojmë gjërat tani, jo nesër – pra, që tani ne kemi 30% çuna dhe goca të reja në Këshillin Bashkiak, me votë reale, që marrin vendime reale, nuk janë thjesht fasadë për takime – jo të shohim se çfarë do të bëjmë vitin tjetër, kur të kalojë buxheti. Në qoftë se do të bëjmë një sakrificë, ta bëjmë tani – pra, të mos asfaltojmë një rrugë, por këtë fond ta përdorim për të kompensuar abonetë e studentëve. Të njëjtën gjë edhe për subvencionimin e kostos së konvikteve. Prandaj, unë dua t’i bëj një pjesë të qenësishme të vendimmarrjes sonë të rinjtë”, tha ai.

Përveç abonesë falas dhe subvencionimin e kostos së konvikteve për studentët, Veliaj përmendi edhe një premtim tjetër të mbajtur për të rinjtë. “Pyetja është kjo: Kush ka më shumë gjasa t’i mbajë premtimet? Tipikisht ata që, tashmë i kanë mbajtur premtimet. Për shembull, të gjitha partitë e kanë premtuar Kartën e Studentit. Në fakt, vetëm njëra e ka mbajtur premtimin, Partia Socialiste, familja ime politike”, tha ai.

Lexo edhe :  Veliaj pret ambasadorin e Egjiptit: Bashkëpunim mes Aleksandrisë dhe Tiranës

Duke marrë shkas nga fakti se shumica e studentëve vijnë për të studiuar në Tiranë nga qytetet e tjera, Veliaj tha se opozita e ka nisur fushatën me një gjuhë raciste për ta. “Studentët kanë shumë kosto në Tiranë dhe këtë e thonë ata që, në fakt, për t’u krenuar në fushatë thonë: ‘Se unë nuk jam i ardhur në Tiranë’. Çfarë do të thotë kjo gjuhë në vitin 2022? 95% e Tiranës janë të ardhur nga diku tjetër. Fakti që akset kryesore të Tiranës quhen rruga e “Dibrës”, rruga e “Elbasanit”, rruga e “Kavajës” dhe rruga e “Durrësit”, do të thotë se Tirana ka qenë një shtëpi e madhe me njerëz që vinin nga të gjitha cepat e Shqipërisë. I ardhuri Numër 1 jam unë në Tiranë, jam ai që sulmohem më shumë për fiqtë, për Beratin dhe Vlorën, por e para e punës, kur na qenka bërë turp pse punon? Turp është të shash njerëzit që punojnë, turp është të ofendosh dikë për punën që bën”, nënvizoi kryebashkiaku.

Ministrja e Shëndetësisë, Ogerta Manastirliu, e pranishme në këtë bashkëbisedim, veçoi faktin se shkolla “Qazim Turdiu” sapo është rindërtuar nga Bashkia e Tiranës. “Ne sot duhet të ndihemi krenarë sepse jemi në një shkollë si “Qazim Turdiu”, që është një shkollë fantastike. E shoh sot dhe them: Çfarë ndryshimi! Nuk i mungon asgjë, është një nga shkollat më të mira se edhe ato që kemi parë jashtë”, u shpreh ajo.

Gjatë këtij takimi, të rinjtë ngritën disa pyetje lidhur me vijimin e aktiviteve për ta, ku kryebashkiaku tha se ato nuk do të përfundojnë me mbarimin e vitit ku Tirana është Kryeqytet Europian i Rinisë.

Të fundit

Ish-ministri i Shëndetësisë, Ilir Beqaj paraqitet në SPAK

Ish-ministri i Shëndetësisë, Ilir Beqaj është paraqitur në Prokurorinë e Posaçme, i shoqëruar nga avokati i tij mbrojtës. Ish-ministri është...

“Je Papote”: Shqipëria magjeps me bregdetin dhe kulturën e pasur mesdhetare

Shqipëria është një vend i vogël, i cili ndodhet në veri të Greqisë, përballë Italisë jugore dhe në jug të Kroacisë, sipas një artikulli...

U arrestua për tjetërsim pronash, juristi tregon sa vite burg rrezikon Jorgo Goro

Juristi Redi Ramaj ka folur lidhur me arrestimin e ish-kryebashkiakut të Himarës, Jorgo Goro. Ai tha se rrezikon deri në 7 vite burg. Juristi u...

A është normale të ndiheni të uritura gjatë ditëve të ciklit menstrual

A keni pasur ndonjëherë një nga ato ditët kur zgjoheni të uritura, teksa keni në kokë fantazi për kavanoza me Nutella, djathë të mirë...

Rritet sërish euro, si këmbehen sot monedhat e huaja

Monedha e eurozonës shitet sot me 104.8 lekë. Dollari amerikan këmbehet me 97 lekë. Paundi britanik kap sot vlerën e 121.5 lekëve. Dollari kanadez këmbehet në tregun valutor me 71.7 lekë. Franga zvicerane kap vlerën...

Lajme të tjera

Web TV