Kupa e Botës ka nisur dhe tani pothuajse për një muaj do të na shoqërojë çdo ditë.
Ndjekim disa nga titujt kryesorë të mediave sportive:
La Gazzetta dello Sport vendos derbin Madonnina me “nuanca” franceze në faqen e parë: “Franca është një derbi: Deschamps zgjedh Giroud, Interi zgjedh Thuramin”.
Corriere dello Sport hapet me hidhërim për mospjesëmarrjen e Italisë në Botëror: “Dhemb fort”. Ka hapësirë dhe për ndeshjen hapëse të Botërorit: “Dy golat e parë nga Valencia (Ekuador) dhe sot është radha e Kane”.
“Kupa e Botës për të rinj, Juventus po ju shikon” është titulli i torinezes Tuttosport, e cila vendos implikimet e mundshme të tregut të transferimeve në faqen e parë pas çdo Botërori, të gjitha me një filtër bardh e zi.
Daily Express ia kushton faqen e parë ndeshjes së sotme të Anglisë: “Kjo është koha jonë”. Anglezët nisin sot rrugëtimin drejt trofeut të lavdishëm, të cilin e kërkojnë për shumë vite.
“Në lëvizje” shkruan katalanasja Mundo Deportivo. Një ceremoni plot ngjyra dhe emocione i dha dritën jeshile Kupës së Botës në Katar.
Prestigjiozja Marca hapet me një titull kushtuar organizatorëve të turneut: “Kjo është shqetësuese”. FIFA është alarmuar nga ikja e mijëra tifozëve vendas në pushimin e ndeshjes hapëse.
