Një makinë tip Mercedez Benz është përplasur mbrëmjen e së shtunës me trafikandarësen në rrugën nacionale Berat- Lushnjë, në “Rotondon e Moravës”.
Si pasojë e përplasjes së fortë mjeti është shkatërruar. Por diçka misterioze ka ndodhur pas aksidenti.
Pas përplasjes mjeti është braktisur në rrugë dhe nuk dihen ende shkaqet e braktisjes dhe kush ka qënë në drejtimin e tij.
Policia ka rrethuar menjëherë perimetrin dhe po punon për identifikimin e shoferit, ndërkohë që një grup ekspertësh është duke ekzaminuar mjetin nga brenda pasi nuk mund të shpjegohet braktisja e mjetit pas përplasjes.
Të njëjtat burime konfirmojnë se dëshmitarët në vendngjarje kanë deklaruar se pas përplasjes, nga mjeti kanë dalë shoferi dhe një pasagjer, të cilët janë larguar me vrap nga vendngjarja.
Nuk dihen ende arsyet e largimit të dy shtetasve nga mjeti. Ndërkohë që nga Spitali Rajonal Berat konfirmohet se nuk ka mbërritur asnjë i plagosur apo i lënduar.