Përfundon grupi B/ Anglia dhe SHBA kalojnë në raundin me eliminim direkt

113 563 lexime

124,178FansaPëlqeje

Fitorja ishte alternativa e vetme për SHBA në “finalen” ndaj Iranit, dhe djemtë e Gregg Berhalter ia dolën të triumfojnë 0-1. Sfida e luajtur në “Al Thumama” u vendos nga goli i Christian Pulisic në minutën e 38’.

Lojtari i Chelsea shfrytëzoi një asist të milanistit Sergino Dest dhe shënoi golin e kualifikimit për skuadrën e tij, që në raundin e 1/8-ve do të sfidojë Holandën e Louis Van Gaal.

Pulisic u dëmtua në momentin e golit dhe u detyrua të mos zbriste në fushë në pjesën e dytë. SHBA dominoi 45 minutat e para dhe në minutat shtesë realizoi edhe me anë të Timothy Weah. Sulmuesi i Lille shënoi një gol të bukur, por VAR-i e anuloi për pozicion të parregullt milimetrik.

SHBA u mbrojtën dhe menaxhuan mirë fraksionin e dytë të takimit, pavarësisht insistimit të lojtarëve të Iranit, por goli i barazimit nuk erdhi dhe në fund pati festë amerikane dhe lot iranianë.

Në sfidën tjetër, Anglia u rikthye te fitorja, pasi mposhti me rezultatin e pastër 3-0 Uellsin në derbin britanik të Katar 2022 dhe siguroi kalimin për në fazën e 1/8-ave të Kupës së Botës, ku do të përballet me kampionin në fuqi të Afrikës, Senegalin.

Marcus Rashford ishte padyshim heroi i “tre luanëve” mbrëmjen e sotme, pasi shënoi golin e parë dhe të tretë, ndërsa emrin të lista e golashënuesve e shkroi edhe talenti i Manchester City-t, Phil Foden.

Anglia dominoi gjatë gjithë 90-minutëshit, por sfida u zhbllokua vetëm në minutën e 50’ me një goditje dënimi spektakolare të Rashford, ndërsa dy minuta më vonë Foden dërgoi topin në rrjetë për herë të dytë, para se sulmuesi i Man. United të shënonte edhe të dytin personal në të 68-ën.

Lexo edhe :  3 pyetjet që duhet t’i bëni vetes përpara se të divorcoheni

Anglia mbyll kështu fazën në grupe si kryesuese me 7 pikë të grumbulluara në tre ndeshje, 9 gola të shënuar dhe vetëm dy të pësuar, ndërsa në turin tjetër do të gjejë përballë Senegalin, që u rendit i dyti në grupin A.

Të fundit

Blerina Bala kryetare e komanduar, analisti bën paralajmërimin e bujshëm: Nëse Beleri…

Këshilli Bashkiak i Himarës, me 15 vota pro dhe 4 kundër komandoi Blerina Balën si drejtuese të bashkisë Himarë. Juristi...

E keni menduar ndonjëherë? Zbuloni çfarë i ndodh trupit nëse konsumoni çdo ditë supë

Edhe pse supa konsiderohet si një ushqim i mirë për rastet kur keni temperaturë ose ndonjë sëmundje tjetër, duhet të dini se kjo varet...

U pështy në fytyrë, Tavo: Interesat e vogla kanë marrë peng komunutetin himariot

Prefekti i qarkut të Vlorës, Vangjel Tavo u përball me një incident në mbledhjen e Këshillit Bashkiak ku do zgjidhej drejtuesja e komanduar e...

Diabeti, ndotja e ajrit dhe konsumimi i alkoolit 3 faktorët e rrezikut të demencës

Diabeti, ndotja e ajrit dhe konsumimi i alkoolit mund të jenë faktorët më të mëdhenj të rrezikut të demencës, sipas një studimi të ri. Studiuesit...

U zgjodh të drejtojë Bashkinë e Himarës, reagon për herë të parë Blerina Bala

Blerina Bala ka bërë reagimin e parë pas zgjedhjes nga Këshilli Bashkiak si kryetarja në detyrë e Bashkisë Himarë, e cila do ta mbajë...

Lajme të tjera

Web TV