Partia Demokratike e drejtuar nga Sali Berisha nuk do të marrë asnjë para nga fundet publike. Zgjedhjet e e 2019 kanë nxjerrë jashtë loje PD e Berishës, pasi paratë do i kalojnë Enkelejd Alibeajt. Ky i fundit është personi që do të marrë mbështetjen financiare prej rreth 105 milionë lekësh.
Kriza politike brenda selisë blu pritet të kthehet edhe në një vështirësi financiare. Kodi Zgjedhor parashikon se partitë marrin mbështetje financiare për fushatën elektorale, por në rastin e PD-së, kjo mbështetje nuk do të ekzistojë për zgjedhjet e 14 majit, për shkak të bojkotit të demokratëve në procesin e vitit 2019. Fondet përllogariten në bazë të rezultatit të zgjedhjeve të fundit vendore, në të cilat PD-ja bojkotoi dhe tanimë vuan pasojën e radhës, atë të mosmbështetjes buxhetore. Kësisoj, paratë do të shkojnë direkt në arkën e Partisë Socialiste si forca politike e cila i fitoi të gjithë pushtetin vendor. Partitë politike pjesëmarrëse në zgjedhje dhe që kanë marrë jo më pak se 1 për qind të votave në shkallë vendi në zgjedhjet më të afërta pararendëse të të njëjtit lloj, përfitojnë fonde nga Buxheti i Shtetit, në bazë të numrit të votave që secila parti ka marrë në ato zgjedhje. Krahas parave për fushatë elektorale, partitë politike marrin edhe një mbështetje financiare të përvitshme për funksionimin e tyre. Fondet për vitin 2023 pritet të përkthehet në një krizë të dyfishtë brenda PD-së, të ndarë në dy grupime që pretendojnë se kanë drejtimin e partisë. Edhe pse Lulzim Basha është larguar nga drejtimi i PD-së, ai vijon të njihet nga gjykata dhe institucionet si drejtues i saj. Për pasojë, ai ose trashëgimtari i tij në parti, Enkelejd Alibeaj, është personi që do të marrë mbështetjen financiare prej rreth 105 milionë lekësh, pavarësisht se prej më shumë se 7 muajsh tashmë drejtimi i selisë është në duart e Sali Berishës. Anëtarja e Kryesisë së PD-së Edith Harxhi ka kërkuar në gjykatë ndryshimin e objektpadisë, për çregjistrimin e Lulzim Bashës si kryetar i PD-së nga regjistri i partive politike. Harxhi u shpreh se tashmë është fakt që Basha është dorëhequr nga posti i kryetarit të PD. Anëtarja e Kryesisë së PD pohoi se gjyqtari ka pranuar kërkesën e saj dhe pritet seanca e radhës.
