VIDEO/ Samuel Eto’o humbet kontrollin, godet me shkelma fansin pas ndeshjes Brazil-Koreja

113 563 lexime

124,178FansaPëlqeje

Presidenti i Federatës Kamerunase të Futbollit, mes të tjerëve ish-futbollist i Barcelonës dhe Interit, sulmoi një tifoz jashtë stadiumit “974” në Katar. Nuk ishte një Botëror i lehtë për Kamerunin, nga pikëpamja e futbollit dhe më gjerë. Formacioni i Rigobert Song, në fushë, siguroi kualifikimin në fazën e grupeve (kishte rivalë Brazilin, Zvicrën dhe Serbinë). Çështjet disiplinore eklipsuan në fakt zhvillimet në drejtkëndëshin e gjelbër.

Njëra mbi të gjitha, që ka të bëjë me André Onana, i cili u largua nga Katari dhe kombëtarja e tij më herët se sa pritej për shkak të mosmarrëveshjeve me trajnerin e tij. Në atë rast ndërhyrja e presidentit të Federatës së Futbollit të Kamerunit, Samuel Eto’o, ishte e kotë. Ai duhej të pranonte situatën dhe ta linte portierin të ikte.

Edhe për Eto’o, në realitet ishte një vit i komplikuar, jo vetëm për shkak të Kupës së Botës. Si president, atij iu desh të merrej me organizimin e Kupës së Kombeve të Afrikës në Kamerun dhe të vijonte pastaj me përgatitjet për Botërorin e Katarit. Ish-sulmuesi i Barcelonës dhe Interit, ndër të tjera, qëndroi në Doha për të ndjekur ndeshjen e 1/8 finale mes Brazilit dhe Koresë së Jugut.

Në fund të kësaj ndeshjeje, presidenti i Federatës së Futbollit të Kamerunit e humbi fjalë për fjalë kontrollin. Ambasadori i FIFA-s u “përgjua” nga një tifoz që u përpoq ta filmonte atë me një aparat fotografik, por gjesti nuk i pëlqeu aspak Eto’o.

Pas një afrimi të parë krejtësisht paqësor, ish-sulmuesi ka shpejtuar hapat e tij, duke tentuar ta godasë tifozin. Pasi dolën ballë për ballë, që nga ai moment situata degjeneroi. “Dëgjova Eto’o duke shkëmbyer fjalë me tifozin me tone të larta, më pas filloi ta ndiqte, duke humbur kontrollin. Tifozit iu rrëmbye kamera dhe ky është momenti ku Eto’o gaboi. Në vend që të largohej, ai e goditi me shkelm tifozin”, – thotë Ricardo Lopez Juarez, gazetar i “La Opinion”, i cili ka folur për “El Larguero”.

Lexo edhe :  Akuzat kundrejt Greenwood janë hedhur poshtë, a do të rikthehet te Manchester United?

Pavarësisht ndërhyrjes së disa të pranishmëve, që synonin t’i ndanin të dy dhe të mbanin Eto’o, ai vazhdoi të sulmonte tifozin, duke e goditur me shkelma në kokë. Më pas ka shkuar drejt gazetarit Lopez Juarez duke e kërcënuar.

“E pyeta se çfarë ndodhi, por ai nuk mundi të thoshte asnjë fjalë, më pas e morën”, – shtoi gazetari. Një skenë e shëmtuar që është në kontrast me atë që Eto’o tregonte gjithmonë, brenda dhe jashtë fushës, i cili jetoi një vit shumë, shumë intensiv si president i Federatës së Futbollit të Kamerunit.

Të fundit

Befason Maestro, i’a thotë në sy Kristit: A vetëm një palë rroba ka babai yt

Mbrëmë, një nga banorët me të pëlqyer të shtëpisë së Big Brother Vip Albania u vu para një zgjedhje,...

I ftohti ekstrem mbërthen Shqipërinë, ja çfarë do ndodhë me temperaturat në orët në vijim

Prej 24 orësh Shqipëria është përfshirë nga i ftohti polar, ku temperaturat anë zbritur disa grad nën zero. Ndërkohë që edhe në orët në vijim...

Përfshihet nga flakët kodra pranë vendit të shenjtë në Vlorë

Kodra e Kuzum Babasë në Vlorë është përfshirë nga flakët, ndërkohë që dyshimet e para janë se zjarri është vënë qëllimisht nga banorë të...

Del audio/ Zhaklina Lekatari: Burri Oltës më ka shantazhuar dhe do të më blejë me lekë

Opinionistja, Zhaklinë Lekatari ka deklaruar e burri i Oltës ka tentuar që ta blejë dhe e ka shantazhuar. Ajo është shprehur për këtë e...

Turqi/ Ende nën rrënojat e tërmetit ish-lojtari i Chelsea, dje shënoi golin e fitores

Turqia është duke kaluar një situatë tejet të vështirë për shkak të tërmetit që tronditi vendin. Bëhej fjalë për një tërmet shkatarrimtar me magnitudë...

Lajme të tjera

Web TV