Samiti BE-Ballkani Perëndimor, Rama jep vlerësimet në Bruksel

113 563 lexime

124,178FansaPëlqeje

Kryeministri Edi Rama, një ditë pasi priti liderët e vendeve të BE-së në Samitin me Ballkanin Perëndimor, udhëtoi drejt Brukselit ku dha mesazhe të tjera për këtë eveniment, që duket si pikë e madhe kthese për të gjashtë vendet ballkanike që kërkojnë integrimin. Rama: Rreziku rus është real, por në Shqipëri nuk gjen vend.

Rajoni duhet të rrijë bashkë për shkak të ndikimit rus. Ishte kjo kryefjala e diskutimit të kryeministrit Edi Rama në sesionin e diskutimeve në Bruksel, një ditë pas samitit BE-Ballkani perëndimor që u mbajt një të martën në Tiranë. Në fjalën e tij, kreu i qeverisë shqiptare përjashtoi ndikimin rus në vendin tonë, por mund të jetë problem në rajon, ndërsa vlerësoi edhe Serbinë. “Në vendet e tyre ndikimi rus është i pranishëm, rreziku rus është real. Në Shqipëri askush nuk do t’ia dijë për Rusinë se kishin Stalinin deri në ‘90 e hoqën qafe më parë dhe tani po u hyn nga dera e pasme. Kjo është arsyeja pse rajoni duhet të rrijë bashkë. Me një qasje jo shumë aktive nga BE-ja, gjërat mund të bëhen problematike, nga RMV, nga Mali i i Zi dhe përtej kësaj hapësire. Prandaj duhet të bëhemi bashkë, prandaj edhe Serbia është e përfshirë deri tani, jo tërësisht kur vjen fjala për sanksionet, por për të mbajtur të njëjtën linjë në OKB në dënimin e agresionit është mirëfilli pjesë”, tha Rama. Sa i përket anëtarësimit, Rama tha se është i kushtëzuar nga detyrat individuale të bazuara në meritë, por theksoi përkushtimin e besnikërinë ndaj BE-së. “U bëmë kaq të përkushtuar ndaj BE-së saqë askush nuk mund të na ndalojë. Jo vetëm që jemi të përkushtuar ndaj perandorive. Kemi qenë besnik ndaj Stalinit. Ne do jemi këtu të mbrojmë BE-në nga BE-ja deri në fund. Nëse duan të largohen ne do t’u themi nuk do të ikni. Ata nuk po e hapin derën. Të krijojmë mekanizma afrimi që nuk janë të kushtëzuara nga detyrat individuale të bazuara në meritë. Mendoj që diçka thelbësore po ndryshon, ajo që u sugjeroj miqve të mi mos e shihni ndryshimin përmes anëtarësimit, por në një tjetër mënyrë. Për anëtarësimin duhet të punojmë fort, të bëjmë detyrat e shtëpisë. Nuk mund të kërkojmë diplomë pa bërë universitetin. Të jemi plotësisht të aftë të qëndrojmë me ata”, tha kryeministri Edi Rama. Për samitin e një ditë më parë në Tiranë, Rama tha se Shqipëria solli buzëqeshje në fytyrat e liderëve europianë. “Dje sollëm buzëqeshje në fytyrat e tyre. I patë fytyrat e tyre dje. Ishin më mirë se kur mblidhen në Brukselin e mërzitshëm dhe qytetet e tyre depresive të mëdha. Ishte njësoj sikur njerëzit kishin dalë nga një shpellë për një kohë të gjatë dhe po i gëzoheshin diellit dhe këto janë gjëra të mira që ia dhamë dje BE-së. Buzëqeshja është më e thellë seç duket shqiptarët janë shumë besnikë dhe nuk janë kurrë të mërzitshëm, ne jemi shumë besnikë. Vendi më proevropian në kontinent, ne kemi ardhur nga ferri, jo nga ferri francez që është parajsa që ata e quajnë ferr, por ferri i vërtetë kemi qenë tërësisht të izoluar. Samiti ishte ngjarje e jashtëzakonshme historike. Ishte një sinjal i qartë që BE-ja ka nevojë për Ballkanin Perëndimor sa Ballkani Perëndimor ka nevojë për BE-në. Ne vijmë nga ferri”, tha ai. Rama u ndal gjatë te Bashkimi Europian duke dhënë një mesazh që të mendojnë më shumë për financat drejt Ballkanit Perëndimor. Teksa u ndal te kriza energjetike dhe fondi 85 miliardë euro për energjinë, Rama nuk e konsideron si lajm të shkëlqyer duke qenë se fondet e alokuara nga BE për Ballkanin janë pjesë e fondit të përvitshëm të IPA. Në këtë rast, fondet merren nga bujqësia për të kaluar në sektorin e energjisë. Po ashtu theksoi se mbajtja e samitit në Tiranë tregoi BE ka nevojë për Ballkanin, njëjtë sa ky i fundit për unionin. Duke u ndalur te anëtarësimi në Bashkimit Europian, Rama u shpreh se duhet të bëjnë detyrat megjithëse theksoi se është e rëndësishme që të ketë bashkëjetesë mes Ballkanit dhe BE. Një mesazh e pati për të rinjtë, të cilëve iu bëri thirrje që të marrin frenat e jetës në dorë dhe mos të presin që gjithçka t’i vijë gati nga prindërit apo politika. Kreu i qeverisë mori shembullin e kryeministres së Italisë, Georgia Meloni duke thënë se ia arriti të luftojë çdo gjë derisa mori drejtimin e vendit të saj. Kreu i qeverisë u ndal edhe në marrëveshjen e nënshkruar mes vendeve të BE dhe Ballkanit, që i jep mundësinë të rinjve shqiptarë që të studiojnë online në çdo universitet të BE-së pa qenë e nevojshme të emigrojnë.

Të fundit

“U largova nga futbolli pasi nuk e njihja më”,Klose: Të rinjtë e kanë mendjen tek makinat

Miroslav Klose është një nga ata që ka shkruar historinë me fanellën e kombëtares së Gjermanisë, por edhe Bayern...

Shtatzënia përshpejton plakjen, por ja çfarë ndhodh pas lindjes

Ndryshimet e thella fizike, hormonale dhe kimike që lidhen me shtatzëninë mund të bëjnë që ora e plakjes të kthehet më shpejt, duke i dhënë moshës biologjike të...

“Eglën e njoh shumë mirë…”/Hygerta Sako zbulon detaje për banoren jashtë shtëpisë së BBV

ot e ftuar në emisionin “Big Brother Radio” ka qenë gazetarja Hygerta Sako, për të bërë një analizë të lojës së banorëve dhe për...

Aktiviteti elektoral i presidentit Biden me ish-presidentët Obama e Clinton,shënon rekord

Shuma e dhurimeve është një demonstrim i mbështetjes së demokratëve për presidentin Biden në një periudhë kur anketimet vazhdojnë të tregojnë nivele të ulëta...

Ngacmimet nga interneti/ Tirana në vend të parë për numrin e denoncimeve

Bullizimi dhe dhuna përmes rrjeteve sociale po përhapet edhe në qytete të vogla. Kuçova, është qyteti i dytë pas Tiranës që ka raportimet më...

Lajme të tjera

Web TV