Emocione, muzikë dhe spektakël/ Nis sot nata e parë e Festivalit të 61-të të Këngës

113 563 lexime

124,178FansaPëlqeje

Nis numërimi mbrapsht për Festivalin e Këngës në Radio Televizionin Shqiptar. Pas një pune kolosale, vjen këtë të hënë (19 dhjetor) nata e parë e Fest 61, eventi muzikor kombëtar më i rëndësishëm.

Artistë të njohur të muzikës shqiptare, artistë të rinj e grupe alternative, do të ngjiten në skenë për të dhuruar një natë plot emocione, me muzikë dhe spektakël.

Festivali i 61-të i Këngës  i cili çel sot siparin e 4 netëve nën tingujt e muzikës, ka rezervuar për publikun edhe disa numra specialë. Emra të njohur të artit do të ngjiten në skenën magjike të Festivalit për të dhuruar emocione dhe mesazhe të forta për publikun.

Festivali i Këngës, një prej eventeve me vlerat më të larta të muzikës shqiptare ndër vite do të mirëpresë në skenë 16 artistë të njohur të skenës 10 këngëtarë të rinj dhe grupe alternative që garojnë për 5 çmime të rëndësishme që do të caktohen nga një juri profesioniste.  Do të jetë pikërisht nata e sotme, ku publiku do të njihet me emrat e jurisë profesioniste të Festivalit.

Në natën e parë që starton sot në orën 21:00 do të performojnë 13 këngëtarë: Enxhi Nasufi, Erma Mici; Fabian Basha; Anduel Kovaçi; Fifi; Urban Band; 2 Farm; Sara Kapo; Rezarta Smaja; Albina dhe familja Kelmendi; Sergio Hajdini; Luna Çausholli; dhe Rovena Dilo.

Një prej risive të këtij edicioni të 61-të të Festivalit të Këngës së RTSH ka të bëjë me këngët të cilat nuk janë bërë të ditura më herët për publikun, por do të prezantohen për herë të parë në dy netët e Festivalit. Qëndroni gati, ky edicion i Festivalit të Këngës, do të jetë spektakolar.

Lexo edhe :  “A jeni në terezi!”/ Bled Mane nuk kursehet me Nitën: Puthu, ledhatohu, martohu…(VIDEO)

Këtë vit ndryshe nga herët e tjera çmimi i parë i Festivalit të Këngës do të përcaktohet nga juria profesioniste, ndërsa kënga që do të përfaqësojë Shqipërinë në Eurovision 2023 do të zgjidhet nga votat e publikut. Këto ndryshime vijnë si rezultat i ruajtjes së vlerave të festivalit, por edhe përshtatjes së kërkesave specifike që kërkon Eurosongu.

Të gjithë qytetarët që dëshirojnë të shijojnë live netët e muzikës së Festivalit të Këngës në Radio Televizionin Shqiptar, kanë mundësi të blejnë biletat online ose fizikisht në sportele.

Shitja e biletave ka nisur për të katërta netët magjike që pritet të sjellë muzika e lehtë shqiptare, ku qytetarët do të mund t’i blejnë online me një klik larg në www.myticket.al ose mund të drejtohen fizikisht në agjencitë Unionnet-WesternUnion apo sportelin pranë Pallatit të Kongreseve.

Të fundit

“Agresioni erdhi nga serbët”/ Rama në BBC: SHBA dhe BE kanë të drejtë

Kryeministri Edi Rama dha një intervistë për BBC ku foli për tensionet në Veri. Ai doli krah BE-së dhe SHBA-së...

“Vetëm qahej e ankohej …”/ Aktrimi i Vuçiç në prani të Macron dhe Scholz

Presidentja e Kosovës, Vjosa Osmani, ka zbuluar detaje nga takimi me presidentin serb, Aleksandar Vuçiç, i cili u zhvillua në praninë e kancelarti gjerman...

Kreshnik Spahiu zbulon rolin e SHBA në çështjen e Saimir Tahirit

Juristi Kreshnik Spahiu tha në një intervistë për Euronews Albania se lirimi i Saimir Tahirit nga burgu është një bast i humbur i amerikanëve. Sipas...

Beatriks Ramosaj kërkon ndihmën e fansave/ Kush e gjen shpërblehet 2 mijë euro

Beatrix Ramosaj e ka nisur ditën e sotme me një kërkesë për ndjekësit e saj të shumtë. Ajo ka publikuar foton e një qenushi duke...

Dy zyrtaret e MSH në pranga për korrupsion/ Zbadhen detaje nga dosja e SPAK

Sekretarja e Përgjithshme e Ministrisë së Shëndetësisë, së bashku me një punonjëse të kësaj ministrie janë arrestuar ditën e sotme me urdhër të SPAK...

Lajme të tjera

Web TV