Ndjekim disa nga titujt kryesorë të mediave sportive për ditën e sotme:
Faqja e parë e La Gazzetta dello Sport i jep hapësirë merkatos: “Inter, epokë e re”. Klubi zikaltër mund të sakrifikojë emrat e tij të mëdhenj për të qëndruar në krye, me Lautaro Martinez gjithashtu në ekuilibër.
Intervistë ekskluzive me Walter Zengën në Corriere dello Sport: “Napoli thotë gjithçka”, të vërtetat e ish-portierit të Kombëtares. Mes lotëve, ankthit dhe reflektimeve, të vërtetat e Walterit: “Luciano tregoi futboll të madh dhe mund të mposhtë Interin dhe Juven”.
“Më të forte djema” është hapja e Tuttosport që nxjerr në pah lojtarët e rinj të Juventusit . Fagioli, Miretti dhe Iling do të jenë në fushë në provën miqësore të Bianconerëve kundër Rijekës.
Leo Messi pushton Botërorin me Argjentinën dhe pas triumfit në Katar është gati të hedhë firmën me Paris Saint-Germain: “Messi ka dy dashuri”, është hapja e gazetës franceze L’Equipe për rinovimin e ‘Pleshtit’ me parizienët.
Në Spanjë, madrilenia AS ia kushton faqen e parë yllit të mesfushës angleze dhe një lojtari tepër premtues në të ardhmen: “Bellingham preferon Madridin”.
