Moska nuk i ndali sulmet as për Krishtlindje,Zelensky: Liria ka çmim të lartë, të durojmë

113 563 lexime

124,178FansaPëlqeje

Presidenti ukrainas Volodymyr Zelensky i ka kërkuar popullit të tij që të vazhdojë të tregojë rezistencë përballë sulmeve ruse ndërsa vendi feston sot Krishtlindjet.

Në fjalimin e tij me rastin e Krishtlindjeve Zelensky tha: “Liria ka një çmim të lartë. Por skllavëria ka një çmim edhe më të lartë.”

Sulmet me raketa dhe dron të Rusisë kanë lënë miliona ukrainas pa energji, ngrohje dhe ujë të rrjedhshëm.

Më herët të shtunën, sulmet ajrore ruse vranë 10 persona në qytetin jugor Kherson të Ukrainës, thanë zyrtarët.

Autoritetet rajonale thanë se 68 persona të tjerë u plagosën, ndërsa u bënë thirrje banorëve vendas që të dhurojnë urgjentisht gjak, shkruan BBC.

Duke e përshkruar Rusinë si një “vend terrorist”, Zelensky akuzoi trupat ruse për “vrasje”.

Në një postim në rrjetet sociale, ai tregoi foto të rrugëve të mbushura me trupa të pajetë dhe makina të djegura, duke thënë se “bota duhet të shohë dhe të kuptojë se me çfarë të keqeje absolute po luftojmë”.

Kherson, i vetmi kryeqytet rajonal i pushtuar nga Rusia që kur nisi pushtimin e saj i plotë më 24 shkurt, u çlirua nga Ukraina muajin e kaluar. Që prej aso kohe Ukraina ka qenë shpesh në shënjestër nga forcat ruse të pozicionuara në bregun e majtë (lindor) të lumit Dnipro.

Moska ka mohuar në mënyrë të përsëritur të ketë shënjestruar civilët në sulmet e saj. Megjithatë, presidenti Vladimir Putin ka pranuar së fundmi se trupat ruse kanë goditur objektet kritike energjetike të Ukrainës.

Shumica e ukrainasve janë të krishterë ortodoksë dhe sipas tradityës ata festojnë natën e Krishtlindjes më 6 janar. Megjithatë, kohët e fundit një pjesë e konsiderueshme e popullsisë festojnë Krishtlidnjen më 25 dhjetor. Në një fjalim me video drejtuar kombit të shtunën vonë, Zelensky tha:

Lexo edhe :  Çfarë i ndodhi? Papa nuk përfundon lutjen, besimtarët shqetësohen për gjëndjen e tij

“Ne duruam në fillim të luftës. Ne duruam sulme, kërcënime, shantazh bërthamor, terror, sulme me raketa. Le të durojmë këtë dimër sepse ne e dimë se për çfarë po luftojmë. Ne do të festojmë festat tona! Si gjithmonë. Do të buzëqeshim dhe do të jemi të lumtur. Si gjithmonë. Ndryshimi është një. Nuk do të presim për një mrekulli. Në fund të fundit, ne e krijojmë vetë.

Për shumë ukrainas, këtë vit Krishtlindjet do të jenë në errësirë dhe në të ftohtë. Por ukrainasit thonë se vështirësitë i kanë bërë ata vetëm më të fortë, pasi lufta hyn në muajin e saj të 11-të.

Të shtunën, luftimet e ashpra vazhduan në rajonin lindor të Donbasit të Ukrainës, ku trupat ruse sulmuan qytetin strategjik të Bakhmut.

Të fundit

Shtatzënia përshpejton plakjen, por ja çfarë ndhodh pas lindjes

Ndryshimet e thella fizike, hormonale dhe kimike që lidhen me shtatzëninë mund të bëjnë që ora e plakjes të kthehet më...

“Eglën e njoh shumë mirë…”/Hygerta Sako zbulon detaje për banoren jashtë shtëpisë së BBV

ot e ftuar në emisionin “Big Brother Radio” ka qenë gazetarja Hygerta Sako, për të bërë një analizë të lojës së banorëve dhe për...

Aktiviteti elektoral i presidentit Biden me ish-presidentët Obama e Clinton,shënon rekord

Shuma e dhurimeve është një demonstrim i mbështetjes së demokratëve për presidentin Biden në një periudhë kur anketimet vazhdojnë të tregojnë nivele të ulëta...

Ngacmimet nga interneti/ Tirana në vend të parë për numrin e denoncimeve

Bullizimi dhe dhuna përmes rrjeteve sociale po përhapet edhe në qytete të vogla. Kuçova, është qyteti i dytë pas Tiranës që ka raportimet më...

“Plas lufta” në burgjet e Ekuadorit/ Shkaktohen trazira, qindra të vrarë në pak kohë

Ky lajm u njoftua nga qeveria, ku zëvendësministri i sigurisë Lyonel Calderon tha se numri ishte i përkohshëm, pasi do të bëjnë një shqyrtimi...

Lajme të tjera

Web TV