Legjenda braziliane, Pele ishte afër t’i bashkohej Interit në vitin 1958, por nuk ndihej gati të largohej nga Brazili.
Ish-sulmuesi i Santos, një nga lojtarët më të mirë të të gjitha kohërave, vdiq më 29 dhjetor 2022, në moshën 82-vjeçare.
Bashkëkombasi i tij Ronaldo shkroi një letër emocionuese të publikuar nga La Gazzetta dello Sport të premten, duke zbuluar ndër të tjera se Interi erdhi afër nënshkrimit të tij në fund të viteve ’50.
“Pele më tregoi se kur kishte luajtur në San Siro me Santos dhe Angelo Moratti e kishte blerë për Interin, por ai nuk donte të largohej nga Brazili”.
“Massimo, presidenti im, më thirri për ta përshëndetur dhe konfirmoi gjithçka”, deklaroi Ronaldo.
Pati raportime se Santos nuk donte ta shiste Pelen por duket se ka qenë ish-sulmuesi brazilian ai që nuk ka dashur të largohet nga klubi i tij.
Angelo Moratti, babai i Massimo, drejtoi Interin nga viti 1955 deri në vitin 1968, ndërsa Massimo e bleu përsëri klubin në 1995 duke mbajtur shumicën e aksioneve në klub deri në qershor 2016.
Pele nuk luajti kurrë për një skuadër evropiane, por u takua me klubet e Serie A disa herë në karrierën e tij si dhe Azzurriët të cilët ai mundi në finalen e Kupës së Botës 1970, duke shënuar një gol në një fitore 4-1 për Seleçao.
