test

Zbulohen dokumentet sekrete, Britania mbështeti planin për të vrarë Osama Bin Laden

113 563 lexime

124,178FansaPëlqeje

Qeveria britanike mbështeti planin për të vrarë Osama Bin Ladenin me një sulm ajror të SHBA-së nëntë muaj para sulmeve terroriste të 11 shtatorit që shkaktuan 3000 viktima, sipas The Times.

Edhe pse bin Laden nuk e kishte arritur famën që do të fitonte pas sulmit të shtatorit 2001 mbi kullat binjake të Qendrës Botërore të Tregtisë në Nju Jork dhe Pentagonit, ai ishte tashmë në listën e FBI-së, bashkë me dhjetë terroristët më të kërkuar.

Ai mendohej se ishte pas sulmeve të koordinuara ndaj ambasadave të SHBA-së në Afrikën Lindore në vitin 1998 dhe një sulmi vetëvrasës me bombë në USS Cole, në Aden në tetor 2000.

Politika britanike zbulohet në letrat e publikuara nga Arkivi Kombëtar në Keë. John Saëers, këshilltari për çështjet e jashtme të Bler, më vonë kreu i MI6, shkroi: “Amerikanët nuk kanë ende prova që Bin Laden ishte përgjegjëse për sulmin në USS Cole. Ata nuk do të ndërmarrin sulme ajrore derisa të jenë të sigurt dhe kjo mund të ndodhë vetëm pas 20 janarit (Koha kur Bush u bë president)”.

Sawers thotë se Britania nuk do të dëshironte sulme ajrore ndërsa Blair po vizitonte Gjirin në fillim të janarit. Ai shton se personeli britanik në Pakistan mund të jetë i pambrojtur ndaj hakmarrjeve.

“Ne të gjithë jemi në favor të goditjes së bin Laden, por ne kemi nevojë për pak njoftim dhe një shans për të ndikuar në kohën”.

SHBA kishte ndjekur bin Ladenin që nga sulmet e ambasadës, përpjekjet e saj duke përfshirë një sulm me raketa kalibr në kampet e tij të trajnimit në Afganistan, ku regjimi taleban strehonte Al-Kaedën

Në vitin 2014 u shfaq një regjistrim në kasetë ku Clinton fliste një ditë para sulmeve të 11 shtatorit për refuzimin e gjetjes së një mundësie për të vrarë bin Laden në Afganistan, sepse kjo do të kishte rrezikuar vrasjen e qindra civilëve. “

Lexo edhe :  "Unë jam një burrë i martuar ipakënaqur, kam 35 vjet që mendoj për ish-in tim"

Pas sulmeve të 11 shtatorit, SHBA ofroi një shpërblim prej 25 milionë dollarësh për informacionin që çonte në kapjen ose vdekjen e bin Ladenit dhe drejtoi një koalicion të forcave ndërkombëtare për të përmbysur regjimin taleban në Afganistan.

Megjithatë, Bin Ladeni mbijetoi deri në vitin 2011 kur, nën udhëheqjen e Presidentit Obama, marina amerikane Seals ndërmori një bastisje të udhëhequr nga CIA në strehën e tij në Abbottabad, Pakistan.

Një memo nga tetori 2001, pak para pushtimit të Afganistanit të udhëhequr nga SHBA, zbulon përpjekjet që Britania bëri për të bërë që SHBA-ja të ishte e kënaqur. Një memorandum i Zyrës së Jashtme në lidhje me projekt-mesazhin e Blair për popullin afgan, në të cilin ai fliste se pushtimi ka të bëjë me drejtësinë dhe sigurinë, jo hakmarrjen, tregonte për një pasazh rreth “provave” të përgjegjësisë së Al-Kaedës për 11 shtatorin.

Patrick Davies, sekretari privat i sekretarit të jashtëm, shkroi se SHBA-të “po shmangin përdorimin e fjalës ‘provë’, pasi ata po e trajtojnë çdo përgjigje si një çështje vetëmbrojtjeje dhe nuk mendojnë se nga ata duhet të pritet të prodhojnë prova, të cilat do të ngriheshin në një gjykatë për të justifikuar veprimet e tyre”.

Arkivat zbulojnë gjithashtu disa nga momentet e dorëzimit të presidencës nga Clinton te Bush. Bob Zoellick, i cili ishte gati të bëhej përfaqësuesi tregtar i SHBA-së, kishte darkuar me Christopher Meyer, ambasadorin britanik në Uashington, në janar 2001.

Ambasadori tha se Zoellick kishte shpenzuar pjesën më të madhe të darkës duke dhënë këshilla se si të trajtonte Bushin.

Të fundit

E përplasin me makinë dhe më pas e rrahin, 5 persona bëjnë për spital 18-vjeçarin

Një 18 vjeçar është dhunuar me mjete të forta nga disa persona në Korçë, raporton për Balkanweb, gazetarja Lorena...

“A e di se kë ke përballë?”/ Plas grushti në Për’puthen (Video)

Ndonëse zyrtarisht ka mbaruar si program për këtë sezon, në studion e emisionit të dashurisë Për’puthen janë rikthyer të gjithë ish-konkurentët ku janë vendosur...

Korçë/ Dhunohet oficeri i krimit ekonomik, u godit me grusht në fytyrë nga një i dehur

Sipas policisë së Korçës bëhet e ditur se ngjarja ka ndodhur në një lokal në qytetin e Korçës ku një i dehur e ka...

NOTAT/ Hysaj ‘tradhton’ sërish Kombëtaren, Laçi më i miri i ndeshjes! Strakosha hero

Shqipëria barazoi 2-2 kundër Kroacisë në raundin e dytë të Grupit B për Euro 2024. Pas ndeshjes "SofaScore" dhe "FlashScore" kanë dalë me notat...

Protagonisti absolut i Kroaci – Shqipëri/ Gjasula hyn në historinë e futbollit botëror

Klaus Gjasula hyri në fushën e lojës si zëvendësues, shënoi autogolin që i dha avantazhin kroatëve e më pas në shtesën e ndeshjes shënoi...

Lajme të tjera

Web TV